വംശീയത ഈ കാലഘട്ടത്തിലും അമേരിക്കൻ സമൂഹം നേരിടുന്ന വലിയൊരു പ്രശ്‌നമാണ്. 1979ൽ വംശീയതയെ ‘പാപം’ എന്ന നിലയിൽ വിശേഷിപ്പിച്ചുകൊണ്ട് അമേരിക്കൻ മെത്രാൻസമിതി ഇറക്കിയ ‘ബ്രദേഴ്‌സ് ആൻഡ് സിസ്റ്റേഴ്‌സ് ടു അസ്’ എന്ന ഇടയലേഖനത്തേയും ബിഷപ്പ് ബാരൺ വീഡിയോ സന്ദേശത്തിൽ പരാമർശിക്കുന്നുണ്ട്. ഒരേ പിതാവിന്റെ മക്കളാകാൻ വിളിക്കപ്പെട്ടവരുടെ അടിസ്ഥാനപരമായ മാനുഷിക അന്തസ്സിന് വംശീയത ഭംഗം വരുത്തുന്നു എന്നതാണ് പ്രസ്തുത ഇടയലേഖനത്തിൽ ചൂണ്ടിക്കാണിക്കുന്നത്. ഇടയലേഖനം പുറത്തിറങ്ങി പതിറ്റാണ്ടുകൾ കഴിഞ്ഞിട്ടും ഇന്നും നിലനിൽക്കുന്ന വംശീയത മാനുഷിക അന്തസ്സിനു കളങ്കം വരുത്തുന്നതുകൊണ്ടുതന്നെ അത് മനുഷ്യർ തമ്മിലുള്ള ഒരുമിക്കലിന് വിലങ്ങുതടിയാകുകയാണ്, ബിഷപ്പ് ബാരൺ വ്യക്തമാക്കി.

വംശീയതയോട് കണ്ണടച്ചുകൊണ്ട് സുവിശേഷവത്കരണം സാധ്യമല്ല. അതുകൊണ്ടുതന്നെ അമേരിക്കൻ മെത്രാൻ സമിതിയുടെ പുതിയ ഇടയലേഖനം വായിച്ച്, ക്രിസ്തുവിൽ നമ്മുടെ സഹോദരിസഹോദരന്മാരുടെ ജീവിതാന്തസ്സ് സംരക്ഷിക്കാൻ ദൈവം എപ്രകാരം നമ്മളെ വിളിക്കുന്നു എന്നതിനെപ്പറ്റി ചിന്തിക്കണമന്നും ബിഷപ്പ് ബാരൺ വീഡിയോ സന്ദേശത്തിലൂടെ ആഹ്വാനം ചെയ്തു.