അബുജ/നൈജീരിയ: നൈജീരിയയില്‍ ഒരു വൈദികനെയും സെമിനാരി വിദ്യാര്‍ത്ഥിയെയും തട്ടിക്കൊണ്ടുപോയി. തെക്കന്‍ നൈജീരിയയിലെ എഡോ സംസ്ഥാനത്തുള്ള ഇവിക്വയിലെ സെന്റ് പീറ്റര്‍ ഇടവക ദൈവാലയത്തില്‍ പ്രവേശിച്ച ആയുധധാരികളാണ് ഫാ. ഫിലിപ്പ് എകെലിയെയും സെമിനാരി വിദ്യാര്‍ത്ഥിയായ പീറ്റര്‍ ആന്‍ഡ്രൂവിനെയും തട്ടിക്കൊണ്ടുപോയത്. അതേസമയം ആക്രമണത്തിനിടെ, ദൈവാലയത്തിലെ സുരക്ഷാ ഗാര്‍ഡുകള്‍ നടത്തിയ ചെറുത്തുനില്‍പ്പില്‍ ഒരാക്രമി കൊല്ലപ്പെട്ടിട്ടുണ്ട്. സുരക്ഷാ ഉദ്യോഗസ്ഥര്‍ ശക്തമായ ചെറുത്തുനില്‍പ്പ് നടത്തിയിട്ടും വൈദികനെയും സെമിനാരിക്കാരനെയും കൊണ്ട് അക്രമികള്‍ രക്ഷപെടുകയായിരുന്നു.
ഇവരെ രക്ഷിക്കുന്നതിനും തട്ടിക്കൊണ്ടുപോയവരെ പിടികൂടുന്നതിനുമായി നൈജീരിയന്‍ ആര്‍മിയുടെ 195-ാം ബറ്റാലിയനിലെ അംഗങ്ങള്‍, പോലീസ് ഉദ്യോഗസ്ഥര്‍, വിജിലന്റ് ഗ്രൂപ്പുകള്‍ തുടങ്ങിയരെ ഉള്‍പ്പെടുത്തി സംയുക്ത തിരച്ചില്‍ നടത്തിവരുകയാണെന്ന് നൈജീരിയന്‍ പോലീസ് പറഞ്ഞു. ഫെബ്രുവരി 22-ന് തട്ടിക്കൊണ്ടുപോയ യോല രൂപതയിലെ ഫാ. മാത്യു ഡേവിഡ് ദറ്റ്സെമിയും ജലിംഗോ രൂപതയിലെ ഫാ. എബ്രഹാം സൗമ്മവും ഇപ്പോഴും അക്രമികളുടെ പിടിയിലാണുള്ളത്.
Leave a Comment
Your email address will not be published. Required fields are marked with *