Sunday Shalom

ന്യൂയോർക്ക് സിറ്റി: ആഗോളതലത്തിൽ കത്തോലിക്കാ സഭ നടപ്പാക്കുന്ന നന്മ പ്രവൃത്തികളെ മറക്കരുതെന്നും ചില അപവാദങ്ങളുടെ പേരിൽ, സഭയുടെ നന്മകളെ ഇകഴ്ത്തുന്നത് ഖേദകരമാണെന്നും ഐക്യരാഷ്ട്രസഭയിലെ യു.എസ് അംബാസഡർ നിക്കി ഹേലി. പീഡനങ്ങൾക്ക് ഇരയായവർക്കൊപ്പം  സഭ നിലകൊള്ളണമെന്നും ഹേലി ഓർമിപ്പിച്ചു. ന്യൂയോർക്ക് അതിരൂപതയിലെ പാവപ്പെട്ട കുട്ടികളുടെ ക്ഷേമത്തിനായി പ്രവർത്തിക്കുന്ന 'ആൽഫ്രഡ് ഇ. സ്മിത്ത് മെമ്മോറിയൽ ഫൗണ്ടേഷൻ ഡിന്നറി'ൽ പങ്കെടുത്ത് പ്രസംഗിക്കുകയായിരുന്നു മുൻ സൗത്ത് കരോലിന ഗവർണറും റിപ്പബ്ലിക്കൻ പാർട്ടിയംഗവുമായ നിക്കി ഹേലി. വിദ്യാഭ്യാസ, ആരോഗ്യ രംഗങ്ങളിൽ ഉൾപ്പെടെ സഭ നടത്തുന്ന പ്രവർത്തനങ്ങളെ 'ദിനംതോറുമുള്ള അത്ഭുതങ്ങൾ' എന്ന് വിശേഷിപ്പിക്കാനാണ് ഞാൻ ഇഷ്ടപ്പെടുന്നത്. ഈ അത്ഭുതങ്ങളാണ് സഭയുടെ മാർഗം. സഭ നേരിടുന്ന ലൈംഗീക ആരോപണങ്ങൾക്കെതിരെ നടപടിയെടുത്തതും കാരുണ്യ പ്രവൃത്തികൾ വ്യാപിപ്പിച്ചതും അഭിനന്ദനാർഹമാണെന്നും...