ഓട്ടിസവും എഡിഎച്ച്ഡിയും ബാധിച്ച 27 കാരിയായ മകളുടെ ജീവന്‍ സംരക്ഷിക്കുന്നതിനായി നിയമപോരാട്ടവുമായി ഒരപ്പന്‍.നിലവിലെ നിയമപ്രകാരം ഈ രോഗങ്ങള്‍ ബാധിച്ചവര്‍ക്ക് ദയാവധം നടത്താനാകില്ലെന്ന പിതാവിന്റെ അപ്പീല്‍ ഇപ്പോള്‍ കോടതിയുടെ പരിഗണനയിലാണ്. മെഡിക്കല്‍ അസിസ്റ്റന്‍സ് ഇന്‍ ഡയിംഗ് എന്ന പേരിലറിയപ്പെടുന്ന ദയാവധം ഫെബ്രുവരി ഒന്നിനാണ് ഷെഡ്യൂള്‍ ചെയ്തിരുന്നത്. അവസാന നിമിഷം പിതാവ് നല്‍കിയ അപ്പീലിനെ തുടര്‍ന്ന് ദയാവധം മാറ്റവയ്ക്കുകയായിരുന്നു. ഓട്ടിസം ബാധിതരായവരെ അംഗീകരിക്കുവാനുള്ള മാസമായി ഏപ്രില്‍ മാസം ആചരിക്കുന്നതിനിടെയാണ് കാനഡയിലെ കാല്‍ഗറിയില്‍ നിന്നുള്ള ഈ കേസ് ശ്രദ്ധ നേടിയിരിക്കുന്നത്.