കോഴിക്കോട്: കോഴിക്കോട് രൂപതാ വിദ്യാഭ്യാസ സംഗമം വെള്ളിമാടുകുന്ന് ഹോളി റെഡിമര്‍ ദൈവാലയത്തില്‍  ഫെറോന വികാരി റവ. ഡോ. ജെറോം ചിങ്ങംതറ ഉദ്ഘാടനം ചെയ്തു. വിദ്യാഭ്യാസത്തിലൂടെ സമുദായ ഉന്നമനം അനിവാര്യമാണെന്ന്  അദ്ദേഹം പറഞ്ഞു.

 വികാരി ഫാ. ഡെന്നീ  മോസസ്  സംഗമത്തില്‍ അധ്യക്ഷത വഹിച്ചു. ഇടവക ആനിമേറ്റര്‍ സിസ്റ്റര്‍ ലിനറ്റ് പ്രസംഗിച്ചു. രൂപതാ ചാന്‍സലര്‍ ഫാ. സജിവ് വര്‍ഗീസ്,  പാക്‌സ് കമ്മ്യൂണിക്കേഷന്‍ ഡയറക്ടര്‍  ഫാ. സൈമണ്‍ പീറ്റര്‍ എന്നിവര്‍ ക്ലാസുകള്‍ക്ക് നേതൃത്വം നല്‍കി.  വിവിധ ഇടവകയില്‍ നിന്നുള്ള പ്രതിനിധിയില്‍ പങ്കെടുത്തു.