മാര്ട്ടിന് വിലങ്ങോലില്
ഫ്രിസ്കോ: നോര്ത്ത് ഡാളസിലെ വിശുദ്ധ മറിയം ത്രേസ്യാ സീറോ മലബാര് മിഷനില് തിയോളജി ഡിപ്ലോമ നേടിയവരെ ആദരിച്ചു. മിഷനില് നിന്നുള്ള കിരണ് ജോര്ജ്, ഷീന അന്ന ജോണ് എന്നിവര്ക്കാണ് രണ്ടു വര്ഷത്തെ ദൈവശാസ്ത്ര പഠനത്തില് ഡിപ്ലോമ ലഭിച്ചത്.
ഇരുവരും മിഷനിലെ സജീവ ശുശ്രൂഷകരും മതബോധന അധ്യാപകരുമാണ്. കോട്ടയം വടവാതൂര് പൗരസ്ത്യ വിദ്യാപീഠത്തിന്റെ കീഴില് ചിക്കാഗോ സെന്റ് തോമസ് സീറോ മലബാര് രൂപതയിലെ തീയോളജിക്കല് ഇന്സ്റ്റിറ്റ്യൂട്ട് ആണ് പഠനസൗകര്യം ഒരുക്കിയത്.

മിഷനില് നടന്ന അനുമോദന ചടങ്ങില്, ബിഷപ് എമരിറ്റസ് മാര് ജേക്കബ് അങ്ങാടിയത്ത്, മിഷന് ഡയറക്ടര് ഫാ. ജിമ്മി എടക്കുളത്തൂര് കുര്യന് എന്നിവര് വിജയികളെ അനുമോദിക്കുകയും ഡിപ്ലോമ സമ്മാനിക്കുകയും ചെയ്തു.
Leave a Comment
Your email address will not be published. Required fields are marked with *