കാഞ്ഞിരപ്പള്ളി: തീക്ഷ്ണമായ പ്രാര്‍ത്ഥനയുടെയും ധ്യാനത്തിന്റെയും ദിനങ്ങളായ വിശുദ്ധ വാരാചരണത്തിന് ആമുഖമായുള്ള ഓശാന തിരുക്കര്‍മ്മങ്ങള്‍ കാഞ്ഞിരപ്പള്ളി സെന്റ് ഡൊമിനിക്‌സ് കത്തീഡ്രലില്‍ രൂപതാധ്യക്ഷന്‍ മാര്‍ ജോസ് പുളിക്കലിന്റെ കാര്‍മികത്വത്തില്‍ നടത്തപ്പെട്ടു.
കാഞ്ഞിരപ്പള്ളി കത്തീഡ്രല്‍ ഗ്രോട്ടോയിലാരംഭിച്ച തിരുക്കര്‍മ്മങ്ങളെ തുടര്‍ന്ന് കത്തീഡ്രല്‍ പള്ളിയിലേക്ക് നടത്തപ്പെട്ട പ്രദക്ഷിണത്തില്‍ ഓശാന വിളികളുമായി വിശ്വാസി സമൂഹം പങ്കു ചേര്‍ന്നു. തിരുക്കര്‍മ്മങ്ങളില്‍ കത്തീഡ്രല്‍ വികാരി ഫാ. കുര്യന്‍ താമരശ്ശേരി, ഫാ. ജേക്കബ് ചാത്തനാട്ട് എന്നിവര്‍ സഹകാര്‍മ്മികരായിരുന്നു.
കാഞ്ഞിരപ്പള്ളി രൂപത മുന്‍ അധ്യക്ഷന്‍ മാത്യു അറയ്ക്കല്‍ എരുമേലി അസംപ്ഷന്‍ ഫൊറോന പള്ളിയില്‍ ഓശാന തിരുക്കര്‍മ്മങ്ങള്‍ക്ക് കാര്‍മികത്വം വഹിച്ചു. എരുമേലി ഫൊറോന വികാരി ഫാ. വര്‍ഗ്ഗീസ് പുതുപറമ്പില്‍ , ഫാ. തോമസ് പരിന്തിരിക്കല്‍ എന്നിവര്‍ സഹകാര്‍മ്മികരായിരുന്നു.
Leave a Comment
Your email address will not be published. Required fields are marked with *