കാക്കനാട്: സീറോമലബാര്‍സഭയുടെ ഗവേഷണ പഠനകേന്ദ്രമായ ലിറ്റര്‍ജിക്കല്‍ റിസര്‍ച്ച് സെന്റര്‍ (എല്‍ആര്‍സി) സംഘടിപ്പിക്കുന്ന 62-മത് സെമിനാര്‍ സഭാ ആസ്ഥാനമായ മൗണ്ട് സെന്റ് തോമസില്‍ മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍ ഉദ്ഘാടനം ചെയ്തു. ‘മിഷന്‍ ട്രജക്ടറീസ് ഓഫ് സീറോമലബാര്‍ ചര്‍ച്ച്: ഹിസ്റ്റോറിക്കല്‍ ഓവര്‍വ്യൂ’ എന്ന വിഷയത്തെ ആസ്പദമാക്കി 12 പ്രബന്ധങ്ങള്‍ മൂന്നു ദിവസങ്ങള്‍ നീണ്ടുനില്‍ക്കുന്ന സെമിനാറില്‍ അവതരിപ്പിക്കും.
കേരളത്തിലാരംഭിച്ച് ലോകമെമ്പാടും പ്രേഷിതപ്രവര്‍ത്തനം നടത്തുന്ന സീറോമലബാര്‍സഭയുടെ സേവനപ്രവര്‍ത്തനങ്ങളെ വിലയിരുത്തുന്നതിനും കൂടുതല്‍ പ്രദേശങ്ങളിലേക്ക് വ്യാപിപ്പിക്കുന്നതിനും ഈ സെമിനാര്‍ കാരണമാകട്ടെയെന്നു മേജര്‍ ആര്‍ച്ചുബിഷപ് ഉദ്ഘാടന സന്ദേശത്തില്‍ ആശംസിച്ചു.
എല്‍ആര്‍സി ചെയര്‍മാന്‍ മാര്‍ ടോണി നീലങ്കാവില്‍ ആമുഖ സന്ദേശം നല്‍കി. എപ്പിസ്‌കോപ്പല്‍ മെമ്പര്‍ മാര്‍ ജോസ് പുളിക്കല്‍, കുരിയാ ബിഷപ് മാര്‍ സെബാസ്റ്റ്യന്‍ വാണിയപുരയ്ക്കല്‍ എന്നിവര്‍ ആശംസകള്‍ നേര്‍ന്നു.
സീറോമലബാര്‍സഭയുടെ വിവിധ രൂപതകളില്‍നിന്നുള്ള പ്രതിനിധികളാണ് സെമിനാറില്‍ പങ്കെടുക്കുന്നത്. കേരളത്തിനുപുറത്തുള്ള മിഷന്‍ രൂപതകളില്‍നിന്നും കൂടുതല്‍ പേര്‍ സെമിനാറിനായി എത്തിച്ചേര്‍ന്നിരിക്കുന്നു എന്നത് ഇത്തവണത്തെ പ്രത്യേകതയാണ്. എക്‌സിക്യൂട്ടീവ് ഡയറക്ടര്‍ ഫാ. ജോജി കല്ലിങ്ങല്‍, ഓഫീസ് സെക്രട്ടറി സിസ്റ്റര്‍ ലിന്‍സി അഗസ്റ്റിന്‍ എംഎസ്എംഐ എന്നിവര്‍ സെമിനാറിന് നേതൃത്വം നല്‍കുന്നു.
Leave a Comment
Your email address will not be published. Required fields are marked with *