നെയ്യാറ്റിന്‍കര: നെയ്യാറ്റിന്‍കര രൂപതയുടെ പിന്തുടര്‍ച്ചാവകാശമുള്ള സഹായമെത്രാനായി ബിഷപ് ഡോ. ഡി. സെല്‍വരാജന്‍ അഭിഷിക്തനായി. നഗരസഭാ മൈതാനിയില്‍ പ്രത്യേകം തയാറാക്കിയ പന്തലില്‍ ആയിരുന്നു മെത്രാഭിഷേക ചടങ്ങുകള്‍ നടന്നത്.
പ്രധാന കാര്‍മികനായ നെയ്യാറ്റിന്‍ക രൂപത ബിഷപ് ഡോ. വിന്‍സെന്റ് സാമുവല്‍ തൈലാഭിഷേകം നടത്തിയും അധികാര ചിഹ്നങ്ങള്‍ അണിയിച്ചും മോണ്‍. ഡോ. ഡി. സെല്‍വരാജനെ ബിഷപ് സ്ഥാനത്തേക്ക് ഉയര്‍ത്തി. ഇന്ത്യയിലെ വത്തിക്കാന്‍ പ്രതിനിധി ആര്‍ച്ചുബിഷപ് ഡോ. ലെയോ പോള്‍ദോ ജെറെല്ലി മെത്രാഭിഷേക ചടങ്ങില്‍ പങ്കെടുത്തു.
കൊല്ലം മുന്‍ ബിഷപ് ഡോ. സ്റ്റാന്‍ലി റോമന്‍ സന്ദേശം നല്‍കി. ആര്‍ച്ചുബിഷപ് ഡോ. തോമസ് ജെ. നെറ്റോ, പുനലൂര്‍ ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍, സിബിസിഐ പ്രസിഡന്റ് ആര്‍ച്ചുബിഷപ് മാര്‍ ആന്‍ഡ്രൂസ് താഴത്ത് തുടങ്ങിയവരും മെത്രാഭിഷേകത്തിന് സഹകാര്‍മികരായ മറ്റു മെത്രാന്മാരും കൈവെയ്പ് ശുശ്രൂഷയില്‍ പങ്കുചേര്‍ന്നു.
മെത്രാഭിഷേക തിരുക്കര്‍മങ്ങള്‍ക്ക് കേരളത്തിലെയും തമിഴ്‌നാട്ടിലെയും വിവിധ രൂപതകളില്‍നിന്നുള്ള മുപ്പതിലധികം ബിഷപ്പുമാര്‍ സഹകാര്‍മികരായി.
Leave a Comment
Your email address will not be published. Required fields are marked with *