കാഞ്ഞിരപ്പള്ളി: അണക്കര ഫൊറോന പള്ളി അങ്കണത്തില്‍ നടന്ന കാഞ്ഞിരപ്പള്ളി രൂപതയുടെ 48-ാം രൂപതാ ദിനം സ്‌നേഹത്തിന്റെയും പങ്കുവയ്ക്കലിന്റെയും ആഘോഷമായി. രൂപതാധ്യക്ഷന്‍ മാര്‍ ജോസ് പുളിക്കലിന്റെ കാര്‍മികത്വത്തില്‍ അര്‍പ്പിക്കപ്പെട്ട പരിശുദ്ധ കുര്‍ബാനയില്‍ രൂപതയിലെ ദൈവജനത്തെ പ്രതിനിധീകരിച്ചെത്തിയ വൈദികരും സന്യസ്ത രുമുള്‍പ്പെടുന്ന വിശ്വാസിഗണം പങ്കുചേര്‍ന്നു.
മാര്‍ ജോസ് പുളിക്കലിന്റെ അധ്യക്ഷതയില്‍ നടന്ന പ്രതിനിധി സമ്മേളനത്തില്‍ സീറോമലങ്കര സഭയുടെ പത്തനംതിട്ട രൂപതാ ധ്യക്ഷന്‍ ഡോ. സാമുവല്‍ മാര്‍ ഐറേനിയോസ് മുഖ്യപ്രഭാഷണം നടത്തി. കാഞ്ഞിരപ്പള്ളി രൂപതയുടെ മുന്‍ മേലധ്യക്ഷന്‍ മാര്‍ മാത്യു അറയ്ക്കല്‍ സന്ദേശം നല്‍കി.
ദൈവം നയിച്ച വളര്‍ച്ചയുടെ വഴികള്‍ കൃതഞ്ജതാപൂര്‍വം സ്മരിക്കണമെന്നും രൂപതയ്ക്ക് നേതൃത്വം നല്കിയ മാര്‍ ജോസഫ് പവ്വത്തില്‍, മാര്‍ മാത്യു വട്ടക്കുഴി, മാര്‍ മാത്യു അറയ്ക്കല്‍ എന്നിവര്‍ സഭാത്മക ബോധ്യത്തില്‍ കാഞ്ഞിരപ്പള്ളി രൂപതയെ ബലപ്പെടുത്തുന്നതിന് നിര്‍ണ്ണായക പങ്ക് വഹിച്ചിട്ടു ണ്ടെന്ന് രൂപതാധ്യക്ഷന്‍ മാര്‍ ജോസ് പുളിക്കല്‍ ആമുഖ സന്ദേശത്തില്‍ പറഞ്ഞു.
2026 മെയ് മാസം എപ്പാര്‍ക്കിയല്‍ അസംബ്ലി നടത്തുന്നതിന് നിശ്ചയിച്ചതായി മാര്‍ ജോസ് പുളിക്കല്‍ പറഞ്ഞു. രൂപതയുടെ പുതിയ വികാരി ജനറാളായി ഫാ. സെബാസ്റ്റ്യന്‍ കൊല്ലംകുന്നേ ലിനെ നിയമിച്ചതായി മാര്‍ ജോസ് പുളിക്കല്‍ രൂപതാദിന വേദിയില്‍ പ്രഖ്യാപിച്ചു.
രൂപത മൈനര്‍ സെമിനാരി റെക്ടറായ ഫാ. സെബാസ്റ്റ്യന്‍ മെയ് 21 ന് ചുമതലയേല്‍ക്കും. രൂപത വികാരി ജനറാളുമാരായ ഫാ. ജോസഫ് വെള്ളമറ്റം, ഫാ. ബോബി അലക്‌സ് മണ്ണംപ്ലാക്കല്‍ എന്നിവര്‍ക്കൊപ്പം ഫാ. സെബാസ്റ്റ്യന്‍ വികാരി ജനറാള്‍ ചുമതല നിര്‍വഹിക്കും.
Leave a Comment
Your email address will not be published. Required fields are marked with *