വത്തിക്കാന് സിറ്റി: ലിയോ പതിനാലാമന് മാര്പാപ്പയെ ഇന്ത്യയിലേക്ക് ക്ഷണിച്ച് സിബിസിഐ പ്രസിഡന്റും തൃശൂര് അതിരൂപതാധ്യക്ഷനുമായ മാര് ആന്ഡ്രൂസ് താഴത്ത്. വത്തിക്കാനില് നടന്ന സമ്മേളനത്തില് പങ്കെടുക്കാനെത്തിയ മാര് താഴത്ത് സമ്മേളനത്തിനുശേഷം മാര്പാപ്പയെ കണ്ടപ്പോഴാണ് ഇന്ത്യ സന്ദര്ശിക്കാനുള്ള ക്ഷണം അറിയിച്ചത്.
ഇന്ത്യയിലെ സഭയുടെ ഔദ്യോഗിക ക്ഷണക്കത്ത് മാര് താഴത്ത് മാര്പാപ്പയ്ക്ക് കൈമാറി. ഇന്ത്യന് സര്ക്കാരുമായും ഈ വിഷയം ചര്ച്ച ചെയ്യുമെന്ന് പരിശുദ്ധ പിതാവിനെ അറിയിച്ചു. ഇന്ത്യയിലെ കത്തോലിക്കാ സഭയെപ്പറ്റിയുള്ള വിശദമായ റിപ്പോര്ട്ടും മാര് താഴത്ത് മാര്പാപ്പക്ക് നല്കി.
വത്തിക്കാന് സ്റ്റേറ്റ് സെക്രട്ടറി കര്ദ്ദിനാള് പിയട്രോ പരോളിനുമായി മാര് ആന്ഡ്രൂസ് താഴത്തും കര്ദിനാള് ജോര്ജ് കൂവക്കാടും നടത്തിയ കൂടിക്കാഴ്ചയില് മാര്പാപ്പയുടെ ഇന്ത്യാ സന്ദര്ശനം ചര്ച്ചയായി. ഇന്ത്യ സന്ദര്ശിക്കാന് പരിശുദ്ധ പിതാവിനെ ക്ഷണിച്ചുകൊണ്ട് എഴുതിയ കത്തിന്റെയും ഇന്ത്യന് കത്തോലിക്കാ സഭയെക്കുറിച്ചുള്ള റിപ്പോര്ട്ടിന്റെയും പകര്പ്പുകള് മാര് താഴത്ത് കര്ദിനാള് പരോളിന് നല്കി.
ഏകദേശം ഒന്നര മണിക്കൂര് നീണ്ട കൂടിക്കാഴ്ചയില് ഇന്ത്യ യിലെ കത്തോലിക്കാ സഭയെക്കുറിച്ച് വിശദമായി ചര്ച്ച ചെയ്തു. 2026 ഫെബ്രുവരി 4 മുതല് 10 വരെ ബംഗളൂരുവിലെ സെന്റ് ജോണ്സ് മെഡിക്കല് കോളേജില് നടക്കാനിരിക്കുന്ന സിബി സിഐ ജനറല് അസംബ്ലി ഉദ്ഘാടനം ചെയ്യാന് മാര് താഴത്ത് കര്ദിനാല് പരോളിനെ ക്ഷണിച്ചു. അന്തിമ തീരുമാനം ഉടന് അറിയിക്കുമെന്ന് കര്ദിനാള് പരോളിന് പറഞ്ഞു.
Leave a Comment
Your email address will not be published. Required fields are marked with *