ഷൈമോന് തോട്ടുങ്കല്
ബിര്മിംഗ് ഹാം: ഗ്രേറ്റ് ബ്രിട്ടന് സീറോ മലബാര് രൂപതയിലെ കമ്മീഷന് ഫോര് ക്വയറിന്റെ ആഭിമുഖ്യത്തില് രൂപതയിലെ ഗായകസംഘങ്ങള്ക്കായി നടത്തുന്ന കരോള് ഗാന മത്സരം (ക്വന്തിശ് 2025 ) ഡിസംബര് 6ന് ലെസ്റ്ററില് നടക്കും. രൂപതയിലെ വിവിധ ഇടവകകള്, മിഷന് പ്രൊപ്പോസഡ് മിഷമുകളിലെ ഗായക സംഘങ്ങള് പങ്കെടുക്കുന്ന മത്സരം ലെസ്റ്ററിലെ സെഡാര്സ് അക്കാദമി ഹാളിലാണ് നടക്കുന്നത്.
സമ്മേളനം ഫാ. ഹാന്സ് പുതിയാകുളങ്ങര ഉദ്ഘാടനം ചെയ്യും. വൈകുന്നേരം നടക്കുന്ന സമ്മേളനത്തില് രൂപതാ ധ്യക്ഷന് മാര് ജോസഫ് സ്രാമ്പിക്കല് ക്രിസ്മസ് സന്ദേശം നല്കി സമ്മാനദാനം നിര്വഹിക്കും.
രൂപത ചാന്സിലര് റവ. ഡോ. മാത്യു പിണക്കാട്ട് ഉള്പ്പടെ ഉള്ള വൈദികരും സംബന്ധിക്കും. മത്സരത്തിന്റെ ഇടവേളകളില് വിവിധ കലാപരിപാടികളും അരങ്ങേറും. കരോള് മത്സര ത്തിനുള്ള ഒരുക്കങ്ങള് പൂര്ത്തിയായതായി രൂപതാ കമ്മീഷന് ഫോര് ക്വയര് ചെയര്മാന് ഫാ. പ്രജില് പണ്ടാരപ്പറമ്പില്, കോ-ഓര്ഡിനേറ്റര് ജോമോന് മാമ്മൂട്ടില് എന്നിവര് അറിയിച്ചു.
Leave a Comment
Your email address will not be published. Required fields are marked with *