കോഴിക്കോട്: ശാന്തിയുടെയും സമാധാനത്തിന്റെയും സന്ദേശവുമായി കോഴിക്കോട് അതിരൂപതയുടെ നേതൃത്വത്തില് ‘ഫെലിക്സ് നതാലിസ്’ മെഗാ ക്രിസ്മസ് ഘോഷയാത്ര കോഴിക്കോട് നഗരത്തില് നടന്നു. ചുവപ്പ് വസ്ത്രധാരികളായ ആയിരക്കണക്കിന് ക്രിസ്മസ് പാപ്പമാര് അണിനിരന്ന ഘോഷ യാത്രയില് ജാതിമത ഭേദമന്യേ വിവിധ വിഭാഗങ്ങളില് നിന്നുള്ളവര് പങ്കെടുത്തു.
ഡിസംബര് 28-ന് വൈകുന്നേരം 4 മണിക്ക് സിറ്റി സെന്റ് ജോസഫ് ദേവാലയത്തില് നിന്ന് ആരംഭിച്ച പരിപാടിയില് അതിരൂപത വികാരി ജനറല് മോണ്. ജെന്സണ് പുത്തന്വീട്ടില് ഫെലിക്സ് നതാലിസ് പരിപാടിയുടെ ലക്ഷ്യവും സന്ദേശവും വിശദീകരിച്ചു. തുടര്ന്ന് കോഴിക്കോട് അതിരൂപതാധ്യക്ഷന് ഡോ. വര്ഗീസ് ചക്കാലയ്ക്കല് ഫ്ലാഗ് ഓഫ് നിര്വഹിച്ച് ഘോഷയാത്ര ഉദ്ഘാടനം ചെയ്തു.
വയനാട് റോഡ് വഴി സി.എച്ച് ഓവര്ബ്രിഡ്ജ് കടന്ന് മുന്നേറിയ ഘോഷയാത്ര വൈകുന്നേരം 6 മണിയോടെ നഗരത്തിലെ പ്രധാന വേദിയായ കോഴിക്കോട് ബീച്ച് ഫ്രീഡം സ്ക്വയറില് എത്തിച്ചേര്ന്നു. തുടര്ന്ന് നടന്ന സമാപന സമ്മേളനത്തില് ആര്ച്ചുബിഷപ് ഡോ. വര്ഗീസ് ചക്കാലയ്ക്കല് അധ്യക്ഷത വഹിച്ചു. ഫെലിക്സ് നതാലിസ് എന്നാല് ഹാപ്പി ക്രിസ്മസ് എന്നാണെന്ന് അദ്ദേഹം പറഞ്ഞു.
നോര്ത്ത് വയനാട് ഫൊറോന വികാരി ജനറല് റവ. ഡോ. ജെറോം ചിങ്ങംതറ സ്വാഗതം ആശംസിച്ചു. കോഴിക്കോട് മദര് ഓഫ് കത്തീഡ്രല് വികാരി റവ. ഡോ. അലോഷ്യസ് കുളങ്ങര നന്ദി രേഖപ്പെടുത്തി.
തുടര്ന്ന് പാക്സ് കമ്മ്യൂണിക്കേഷന്സിന്റെ തീം സോങ് പ്രസന്റേഷനോടുകൂടി ആരംഭിച്ച കലാവിരുന്നില് മാഹി ബസിലിക്കാ ടീമിന്റെ സ്കിറ്റ് ഡാന്സ്, വെസ്റ്റ്ഹില് സെന്റ് മൈക്കിള് ചര്ച്ച് ടീമിന്റെ ഫ്യൂഷന് ഡാന്സ്, പൊതുവായുള്ള ഡി.ജെ. പരിപാടികള് എന്നിവ അരങ്ങേറി. നഗരവാസികള് വലിയ ആവേശത്തോടെയാണ് പരിപാടികളെ ഏറ്റെടുത്തത്.
Leave a Comment
Your email address will not be published. Required fields are marked with *