തിരുവനന്തപുരം: സംസ്ഥാന ടെലിവിഷന്‍ അവാര്‍ഡ് പ്രഖ്യാപിച്ചപ്പോള്‍ മികച്ച നേട്ടവുമായി ശാലോം ടെലിവിഷന്‍. കുട്ടികള്‍ക്കുള്ള മികച്ച പ്രോഗ്രാം, മികച്ച ബാലതാരം എന്നി പുരസ്‌കാരങ്ങളാണ്‌ ശാലോം ടെലിവിഷനെ തേടിയെത്തിത്.

പ്രിന്‍സ് അശോക് സംവിധാനം ചെയ്ത  മാര്‍ട്ടിന എഫ്ടിസിഎല്‍ കുട്ടികള്‍ക്കുള്ള മികച്ച പരിപാടിക്കുള്ള പുരസ്‌കാരം നേടിയപ്പോള്‍, സുബിന്‍ ജോഷ് സംവിധാനം ചെയ്ത മധുരം എന്ന ടെലിഫിലിമിലൂടെ ആദിത് ദേവിന് മികച്ച ബാലതാരത്തിനുള്ള പുരസ്‌കാരം ലഭിച്ചു.

ഒരു കുട്ടിയുടെ നൊമ്പരത്തിന്റെയും സന്തോഷത്തിന്റെയും കഥയാണ് മധുരം എന്ന ടെലിഫിലിമും പറയുന്നത്. ഏറെ പ്രേക്ഷക സ്വീകാര്യത ലഭിച്ച പ്രോഗ്രാമായിരുന്നു മാര്‍ട്ടിന എഫ്ടിസിഎല്‍.