പാലക്കാട് : കത്തോലിക്കാ കോണ്‍ഗ്രസ് ഗ്ലോബല്‍ സമ്മേളനം ഏപ്രില്‍ 26, 27 തീയതികളില്‍ പാലക്കാട് നടക്കും. കത്തോലിക്കാ കോണ്‍ഗ്രസിന്റെ 107-ാമത് ആഗോള സമ്മേളനത്തിന്റെ സ്വാഗതസംഘ രൂപീകരണയോഗം പാലക്കാട് രൂപതാധ്യക്ഷന്‍ മാര്‍ പീറ്റര്‍ കൊച്ചുപുരയ്ക്കല്‍ ഉദ്ഘാടനം ചെയ്തു.
കത്തോലിക്കാ കോണ്‍ഗ്രസ് ഗ്ലോബല്‍ സമ്മേളനം സാമുദായിക ശാക്തീകരണം ത്വരിതപ്പെടുത്തുമെന്ന് അദ്ദേഹം പറഞ്ഞു. സമുദായത്തെ ഒറ്റക്കെട്ടായി മുന്നോട്ടു നയിക്കാന്‍ കത്തോലിക്കാ കോണ്‍ഗ്രസ് വഹിക്കുന്ന പങ്ക് നിസ്തുലമാണ്. രൂപതയിലെ എല്ലാ ഇടവകകളിലും കത്തോലിക്കാ കോണ്‍ഗ്രസ് യൂണിറ്റുകള്‍ സ്ഥാപിക്കുമെന്നും മാര്‍ കൊച്ചുപുരയ്ക്കല്‍ പറഞ്ഞു.
കത്തോലിക്കാ കോണ്‍ഗ്രസ് രൂപതാ പ്രസിഡന്റ് ബോബി പൂവത്തിങ്കല്‍ അധ്യക്ഷത വഹിച്ചു. രൂപതാ ഡയറക്ടര്‍ ഫാ. ചെറിയാന്‍ ആഞ്ഞിലിമൂട്ടില്‍ മുഖ്യപ്രഭാഷണം നടത്തി. വികാരി ജനറാള്‍ മോണ്‍. ജിജോ ചാലക്കല്‍ ആമുഖപ്രഭാഷണം നടത്തി.
ഗ്ലോബല്‍ വൈസ് പ്രസിഡന്റ് തോമസ് ആന്റണി, രൂപതാ ജനറല്‍ സെക്രട്ടറി ജിജോ അറക്കല്‍, രൂപതാ ട്രഷറര്‍ ജോസ് മുക്കാടന്‍ തുടങ്ങിയവര്‍ പ്രസംഗിച്ചു.
Leave a Comment
Your email address will not be published. Required fields are marked with *