പാലാ: ചരിത്രപ്രസിദ്ധമായ അരുവിത്തുറ സെന്റ് ജോര്‍ജ് ഫൊറോന ദൈവാലയത്തില്‍ 23 മുതല്‍ 25 വരെ വിശുദ്ധ ഗീവര്‍ഗീസ് സഹദായുടെ തിരുനാള്‍ ആഘോഷിക്കുന്നു. 23-ന് രാവിലെ 6.45-നും എട്ടിനും വിശുദ്ധ കുര്‍ബാന – ഫാ. ആന്റണി പൂവനാട്ട്, ഫാ. ജോസഫ് കണിയോടിക്കല്‍ (വികാരി ജനറാള്‍ പാലാ രൂപത), 9.30-ന് തിരുസ്വരൂപ പ്രതിഷ്ഠ. പത്തിന് ആഘോഷമായ സുറിയാനി കുര്‍ബാന, സന്ദേശം, നൊവേന – മാര്‍ ജോസഫ് കല്ലറങ്ങാട്ട്. വൈകുന്നേരം 4.30ന് ആഘോഷമായ വിശുദ്ധ കുര്‍ബാന- മാര്‍ ജോസഫ് പെരുന്തോട്ടം. തുടര്‍ന്ന് തിരുനാള്‍ പ്രദക്ഷിണം. രാവിലെ പ്രധാന തിരുനാള്‍ ദിനമായ 24-ന് രാവിലെ എട്ടിന് മാര്‍ മാത്യു മൂലക്കാട്ട് ദിവ്യബലിയര്‍പ്പിക്കും. 10.30-ന് തിരുനാള്‍ റാസ – ഫാ. ജോര്‍ജ് പുല്ലുകാലായില്‍, ഫാ. ജോണ്‍ കുറ്റാരപ്പള്ളില്‍, ഫാ. ജോസഫ് വഞ്ചിപ്പുരയ്ക്കല്‍, ഫാ. ജോവാനി കുറുവാച്ചിറ. ഫാ. തോമസ് വടക്കേല്‍ തിരുനാള്‍ സന്ദേശം നല്‍കും. ഉച്ചയ്ക്ക് 12.30-ന് തിരുനാള്‍ പ്രദക്ഷിണം. 25-ന് ഇടവകക്കാരുടെ തിരുനാള്‍. മെയ് ഒന്നിന് എട്ടാമിടം തിരുനാള്‍ ആഘോഷിക്കുന്നു.