കൊച്ചി: മലയാളത്തിലെ മികച്ച തിരക്കഥാകൃത്തുക്കളില്‍ പ്രമുഖനായിരുന്ന ജോണ്‍ പോളിന്റെ ഒന്നാം ചരമവാര്‍ഷിക ദിനമായ ഏപ്രില്‍ 23-ന് ‘ഓര്‍മ്മച്ചാമരം’ എന്ന പേരില്‍, പാലാരിവട്ടം പിഒസി ഓഡിറ്റോറിയത്തില്‍ അനുസ്മരണ സമ്മേളനം നടക്കും. കെസിബിസി മീഡിയ കമ്മീഷനും   മാക്ടയും സംയുക്തമായാണ് സമ്മേളനം സംഘടിപ്പിക്കുന്നത്.

ഉച്ചകഴിഞ്ഞ്  2.30 മുതല്‍ 5.30 വരെ ‘ജോണ്‍ പോള്‍ സിനിമകളുടെ ലാവണ്യ ശാസ്ത്രം’ എന്ന വിഷയത്തെ ആസ്പദമാക്കി സംവാദ സദസും  വിവിധ സിനിമകളുടെ ചര്‍ച്ചയും ഉണ്ടാകും.  ചലച്ചിത്ര രംഗത്തെ പ്രമുഖര്‍ പങ്കെടുക്കുന്ന ചര്‍ച്ചയില്‍ ഡോ. അജു കെ. നാരായണന്‍ മോഡറേറ്ററായിരിക്കും. വൈകുന്നേരം ആറിന് അനുസ്മരണ സമ്മേളനം നടക്കും.  മന്ത്രി  പി.  രാജീവ്,  ഹൈബി  ഈഡന്‍ എംപി, എംല്‍എമാരായ ഉമാ തോമസ്, ടിജെ വിനോദ്, ആര്‍ച്ചുബിഷപ് മാര്‍ ജോസഫ്  പാംപ്ലാനി,  കൊച്ചി മേയര്‍ അനില്‍ കുമാര്‍, പ്രഫ. കെ.വി  തോമസ്, ഫാ. റോബി കണ്ണംചിറ, ഫാ. തോമസ്  പുതുശേരി തുടങ്ങിയവര്‍ പങ്കെടുക്കും.