Follow Us On

04

April

2025

Friday

വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയുടെ 20-ാം ചരമവാര്‍ഷികം ആഘോഷിച്ചു

വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയുടെ  20-ാം ചരമവാര്‍ഷികം ആഘോഷിച്ചു

മുംബൈ: 1986 ലും 1999 ലുമായി രണ്ടുതവണ ഇന്ത്യ സന്ദര്‍ശിച്ച വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയുടെ 20-ാം ചരമവാര്‍ഷികം മുംബൈയില്‍ ആഘോഷിച്ചു. കര്‍ദിനാള്‍ ഒസ്വാള്‍ഡ് ഗ്രേഷ്യസും ആര്‍ച്ചുബിഷപ് ജോണ്‍ റോഡ്രിഗസും മുംബൈയിലെ ഹോളി നെയിം കത്തീഡ്രലില്‍ നടത്തിയ ആഘോഷമായ അനുസ്മരണ കുര്‍ബാനയ്ക്ക് കാര്‍മികത്വം വഹിച്ചു.

1978 മുതല്‍ 2005 വരെ കത്തോലിക്കാ സഭയെ നയിച്ച വിശുദ്ധ ജോണ്‍ പോള്‍ രണ്ടാമന്‍ പാപ്പായുടെ സുവിശേഷത്തോടുള്ള അചഞ്ചലമായ പ്രതിബദ്ധത, മനുഷ്യാന്തസിനുവേണ്ടിയുള്ള അദ്ദേഹത്തിന്റെ അക്ഷീണമായ പ്രവര്‍ത്തനം, പ്രതികൂല സാഹചര്യങ്ങളിലെ അദ്ദേഹത്തിന്റെ അചഞ്ചലമായ ശുഭാപ്തിവിശ്വാസം എന്നിവയെക്കുറിച്ച് ചിന്തിക്കാനുള്ള അവസരമായി ഈ ആഘോഷം മാറി. 2011 ല്‍ കത്തീഡ്രല്‍ സമുച്ചയത്തില്‍ സ്ഥാപിച്ച മാര്‍പാപ്പയുടെ പ്രതിമയ്ക്ക്മുന്നില്‍ ആദരാഞ്ജലി അര്‍പ്പണവും നടന്നു.

‘മനുഷ്യഹൃദയത്തിന്റെ ഉത്കണ്ഠകള്‍ക്കുള്ള ഉത്തരം ക്രിസ്തുവാണെന്ന് പഠിപ്പിച്ച വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പ സുവിശേഷവല്‍ക്കരണത്തിന് എല്ലാവര്‍ക്കും പ്രചോദനമാണെന്ന് കര്‍ദിനാള്‍ ഒസ്വാള്‍ഡ് ഗ്രേഷ്യസ് പറഞ്ഞു. അദ്ദേഹം നമ്മെ ഒരു സ്‌നേഹത്തിന്റെ സംസ്‌ക്കാരത്തിലേക്ക് നയിച്ചു, പ്രത്യേകിച്ച് യുവാക്കളെ സന്തോഷത്തോടും പ്രത്യാശയോടും കൂടി ജീവിക്കാന്‍ പ്രചോദിപ്പിച്ചു; കര്‍ദിനാള്‍ കൂട്ടിച്ചേര്‍ത്തു.

Share:

Leave a Comment

Your email address will not be published. Required fields are marked with *

Related Posts

Latest Postss

Don’t want to skip an update or a post?