കോട്ടയം: യു.പി സ്കൂള് വിദ്യാര്ത്ഥികളുടെ സമഗ്ര ഉന്നമനം ലക്ഷ്യമാക്കി കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് പ്രവര്ത്തിച്ചു വരുന്ന സ്മാര്ട്ട് ഗ്രൂപ്പിലെ കുട്ടികളുടെ അവധിക്കാല പരിശീലന കളരി സംഘടിപ്പിച്ചു.
തെള്ളകം ചൈതന്യ പാസ്റ്ററല് സെന്ററില് നടന്ന പരിശീലന കളരിയുടെ കോട്ടയം മുനിസിപ്പല് ചെയര്പേഴ്സണ് ബിന്സി സെബാസ്റ്റ്യന് ഉദ്ഘാടനം ചെയ്തു. അതിരമ്പുഴ ഗ്രാമപഞ്ചായത്ത് മെമ്പര് ആലീസ് ജോസഫ് ചടങ്ങില് അധ്യക്ഷത വഹിച്ചു. കെഎസ്എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, കോ-ഓര്ഡിനേറ്റര് മേഴ്സി സ്റ്റീഫന് എന്നിവര് പ്രസംഗിച്ചു.
പരിശീലന കളരിയോടനുബന്ധിച്ച് ലൈഫ് സ്കില്ലു കളെക്കുറിച്ച് നടത്തിയ സെമിനാറിന് കേരളാ സോഷ്യല് സര്വ്വീസ് ഫോറം റിസോഴ്സ് പേഴ്സണ് സജോ ജോയി നേതൃത്വം നല്കി. കൂടാതെ പാഴ്വസ്തുക്കള് ഉപയോഗിച്ചുകൊണ്ടുള്ള ക്രാഫ്റ്റ്, ഫ്ളവര് നിര്മ്മാണ പരിശീലനവും, ചൈതന്യ പാര്ക്ക്, കാര്ഷിക മ്യൂസിയം, ഹെല്ത്ത് ഫിറ്റ്നസ് സെന്റര്, കാര്ഷിക നേഴ്സറി എന്നിവ സന്ദര്ശിക്കുന്നതിനും അവസരം ഒരുക്കിയിരുന്നു.
പരിപാടിയോടനുബന്ധിച്ച് കുട്ടികള്ക്കായുള്ള കലാപരിപാടികളും വിവിധ മത്സരങ്ങളും നടത്തി.
Leave a Comment
Your email address will not be published. Required fields are marked with *