തൃശൂര്: അമല മെഡിക്കല് കോളേജ്ജ് ആശുപത്രിയില് ചികിത്സക്കായി എത്തുന്ന രോഗികള്ക്ക്, അമല ആശുപത്രിയില് ജോലി ചെയ്യുന്ന, ഡോക്ടര്മാരും നഴ്സുമാരും സ്റ്റാഫ് അംഗങ്ങളും അവരുടെ കുടുംബാംഗങ്ങളും വിദ്യാര്ത്ഥികളും സുഹൃത്തുക്കളും മൂന്നു മാസത്തിലൊരിക്കല് സന്നദ്ധരക്തദാനത്തിലൂടെ രക്തം നല്കുക എന്ന ലക്ഷ്യവുമായി അയ്യായിരം പേര് അടങ്ങുന്ന വണ് അമല ബ്ലഡ് ഡൊണേഷന് ചലഞ്ച് തൃശൂര് ഗവണ്മെന്റ് മെഡിക്കല് കോളേജ് ബ്ലഡ് ട്രാന്സ്ഫൂഷന് വിഭാഗം മേധാവിയും നോഡല് ഓഫീസറുമായ ഡോ. സജിത്ത് വിളമ്പില് ഉദ്ഘാടനം ചെയ്തു.
രക്തത്തിലെ ആവശ്യമുള്ള മൂലഘടകങ്ങളെ വേര്തിരിച്ചെടുക്കുന്ന അഫാരസിസ് പ്രക്രിയയ്ക്ക് വേണ്ടിയുള്ള അഫാരസിസ് രജിട്രിയും ഇതോടൊപ്പം ഉദ്ഘാടനം ചെയ്തു.
സമ്മേളനത്തില് അമല മെഡിക്കല് കോളേജ് ഡയറക്ടര് ഫാ. ജൂലിയസ് അയ്ക്കല്, ജോയിന്റ് ഡയറക്ടര് ഫാ. ജെയ്സണ് മുണ്ടന്മാണി, ട്രാന്സ് ഫ്യൂഷന് മെഡിസിന് വിഭാഗം മേധാവി ഡോ. വിനു വിപിന്, കാത്തലിക്ക് നഴ്സസ് ഗില്ഡ് ഓഫ് അമല കോ- ഓര്ഡിനേറ്ററും ചീഫ് നഴ്സിംഗ് ഓഫീസറുമായ സിസ്റ്റര് ലിഖിത എംഎസ്ജെ, അമല അലയ്ഡ് ഹെല്ത്ത് സയന്സസ് പ്രിന്സിപ്പല് ഷീബ ബാസ്ക്കര് എന്നിവര് പ്രസംഗിച്ചു.
കാത്തലിക് നഴ്സസ് ഗില്ഡ് ഓഫ് അമലയുടെ നേതൃത്വത്തില് നടന്ന രക്തദാന ക്യാമ്പില് 93 പേര് രക്തദാനം നടത്തി. രക്ത ദാതാക്കളെയും സംഘടനകളെയും സമ്മേളനത്തില് ആദരിച്ചു.
രോഗികളെ സഹായിക്കാനായി എല്ലാ ബുദ്ധനാഴ്ചകളിലും അമല ആശുപത്രിയില് സന്നദ്ധ രക്തദാന ക്യാമ്പ് നടത്തുന്നുണ്ടെന്ന് ജോയിന്റ് ഡയറക്ടര് ഫാ. ജെയ്സണ് മുണ്ടന്മാണി അറിയിച്ചു.
Leave a Comment
Your email address will not be published. Required fields are marked with *