തിരുവനന്തപുരം: മലങ്കര കത്തോലിക്കാസഭയുടെ പൊതുശബ്ദമായ മലങ്കര കാത്തലിക് അസോസിയേഷന്‍ പൊതുസമൂഹത്തിനുവേണ്ടിയും ഇടപെടലുകള്‍ നടത്തണമെന്ന് മലങ്കര കത്തോലിക്ക സഭാ മേജര്‍ ആര്‍ച്ചുബിഷപ് കര്‍ദിനാള്‍ ബസേലിയോസ് മാര്‍ ക്ലീമിസ് കാതോലിക്ക ബാവ.
മലങ്കര കാത്തലിക് അസോസിയേഷന്റെ 2025-26 വര്‍ഷത്തെ സഭാതല ഭാരവാഹികളുടെ സത്യപ്രതിജ്ഞാചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. തിരുവനന്തപുരം കാതോലിക്കേറ്റ് സെന്ററില്‍ നടന്ന ചടങ്ങില്‍ എംസിഎ സഭാതല ചെയര്‍മാന്‍ ബിഷപ് ഡോ. ജോഷ്വാ മാര്‍ ഇഗ്നാത്തിയോസ് മുഖ്യസന്ദേശം നല്‍കി.
കര്‍ദിനാള്‍ ബസേലിയോസ് മാര്‍ ക്ലീമിസ് ഭാരവാഹികള്‍ക്ക് സത്യവാചകം ചൊല്ലിക്കൊടുത്തു. സഭാതല വൈദിക ഉപദേഷ്ടാവ് ഫാ. മാത്യൂസ് കുഴിവിള ആമുഖസന്ദേശം നല്‍കി.
എസ്.ആര്‍ ബൈജു പുത്തൂര്‍ (പ്രസിഡന്റ്), രാജേന്ദ്രബാബു മാര്‍ത്താണ്ഡം (ജനറല്‍ സെക്രട്ടറി), അഡ്വ. എല്‍ദോ പൂക്കുന്നേല്‍ മൂവാറ്റുപുഴ (ട്രഷറര്‍), ബെന്‍സി വര്‍ഗീസ് പത്തനംതിട്ട (വനിതാ സെക്രട്ടറി), അഡ്വ. ബിനോ ജോര്‍ജ് തിരുവനന്തപുരം, ഷിബു മാത്യു തിരുവല്ല, ഷാജി കൊയിലേരി ബത്തേരി, റെജി നെല്ലിള മാവേലിക്കര (വൈസ് പ്രസിഡന്റുമാര്‍), മേരിക്കുട്ടി വര്‍ഗീസ് ഡല്‍ഹി, ഷേര്‍ളി ചെമ്മണ്ണൂര്‍ പാറശാല, കുഞ്ഞുമോള്‍ സാം പൂന (വനിതാ വൈസ് പ്രസിഡന്റുമാര്‍), ലാലി ജോസ് ബത്തേരി, വി.എ. ജോര്‍ജ് പൂന, അനില്‍ വെള്ളൂര്‍ക്കോണം തിരുവനന്തപുരം, അഡ്വ. എബ്രഹാം പട്യാനി ഡല്‍ഹി (എക്‌സിക്യൂട്ടീവ് മെമ്പേഴ്‌സ്) എന്നിവരാണ് പുതിയ ഭാരവാഹികള്‍.
Leave a Comment
Your email address will not be published. Required fields are marked with *