മാനന്തവാടി: മാനന്തവാടി മേരി മാതാ കോളേജില്‍ നടന്ന ലഹരിവിരുദ്ധ ദിനാചരണവും യൂത്ത് റെഡ് ക്രോസ് ജില്ലാതല പ്രവര്‍ത്തന ഉദ്ഘാടനവും കോളജ് മാനേജര്‍ ഫാ. സിബിച്ചന്‍ ഉദ്ഘാടനം ചെയ്തു.

പ്രിന്‍സിപ്പല്‍ ഡോ. ഗീത പുല്ലന്‍ അധ്യക്ഷത വഹിച്ചു. ഇന്ത്യന്‍ റെഡ് ക്രോസ് ചെയര്‍മാന്‍ ബേബി പോത്തന്‍ മുഖ്യപ്രഭാഷണം നടത്തി. വൈആര്‍സി ജില്ലാ കോ-ഓര്‍ഡിനേറ്റര്‍  ഫിലിപ്‌സ് സി.ഇ ലഹരി വിരുദ്ധ പ്രതിജ്ഞ ചൊല്ലി കൊടുത്തു.

എക്‌സൈസ് ഇന്‍സ്‌പെക്ടര്‍  അര്‍ജുന്‍ വൈശാഖ് കാമ്പയിന്‍ ഉദ്ഘാടനം ചെയ്തു. മാനന്തവാടി എക്‌സൈസ് പ്രിവന്റീവ് ഓഫീസര്‍  വിജേഷ് കുമാര്‍, സിസ്റ്റര്‍ എലിസബത്ത് കെ.ജെ, ക്രിസ്റ്റീന കെ.എ എന്നിവര്‍ പ്രസംഗിച്ചു.