വാഷിംഗ്ടണ്‍ ഡിസി: എറിക്ക കിര്‍ക്ക് തന്റെ ഭര്‍ത്താവിന്റെ കൊലപാതകിയോട് ക്ഷമിച്ചുകൊണ്ട് നടത്തിയ പ്രസംഗം തന്നെ വ്യക്തിപരമായി സ്വാധീനിച്ചെന്നും തന്റെ പിതാവിന്റെ ഘാതകനോട് 60 വര്‍ഷത്തിന് ശേഷം ക്ഷമിക്കാന്‍ അത് പ്രചോദനമായെന്നും വ്യക്തമാക്കി ഹോളിവുഡ് നടനും കൊമേഡിയനുമായ ടിം അലന്‍. എറിക്ക കിര്‍ക്ക് തന്റെ ഭര്‍ത്താവിനെ കൊന്നയാളെക്കുറിച്ച് പറഞ്ഞ വാക്കുകള്‍- ‘ആ മനുഷ്യന്‍ … ആ ചെറുപ്പക്കാരന്‍ … ഞാന്‍ അവനോട് ക്ഷമിക്കുന്നു’ – തന്നെ ആഴത്തില്‍ സ്വാധീനിച്ചച്ചെന്ന് ടിം അലന്‍ എക്‌സില്‍ കുറിച്ചു. ‘എന്റെ അപ്പനെ കൊന്ന ആളോട് ക്ഷമിക്കാന്‍ ഞാന്‍ 60 വര്‍ഷത്തിലേറെയായി കഷ്ടപ്പെടുന്നു. ഇപ്പോള്‍ ഞാന്‍ ആ വാക്കുകള്‍ ടൈപ്പ് ചെയ്യുമ്പോള്‍ പറയും: ‘എന്റെ അച്ഛനെ കൊന്ന ആളോട് ഞാന്‍ ക്ഷമിക്കുന്നു.

‘ നിങ്ങള്‍ക്കെല്ലാവര്‍ക്കും സമാധാനം ഉണ്ടാകട്ടെ,’ അലന്‍ കുറിച്ചു. 1964-ല്‍ മദ്യപിച്ചു വണ്ടിയോടിച്ച വ്യക്തയുടെ വാഹനവുമായി കൂട്ടിയിടിച്ചതിനെ തുടര്‍ന്നാണ് അലന്റെ പിതാവ് മരിച്ചത്. പിതാവ്  മരിക്കുമ്പോള്‍ അലന് 11 വയസായിരുന്നു.
യുഎസിലെ പ്രമുഖ ക്രൈസ്തവ ആക്ടിവിസ്റ്റായ ചാര്‍ളി കിര്‍ക്കിന്റെ ഭാര്യ അദ്ദേഹത്തിന്റെ ഘാതകനോട് ക്ഷമിച്ചുകൊണ്ട് നടത്തിയ പ്രസംഗം ക്രൈസ്തവ സാക്ഷ്യത്തിന്റെ ഉദാത്ത മാതൃകയായി മാറിയിരിക്കുകയാണ്.