കാഞ്ഞിരപ്പള്ളി: കാഞ്ഞിരപ്പള്ളി രൂപതയുടെ ദ്വിതീയ മെത്രാനായിരുന്ന മാര് മാത്യു വട്ടക്കുഴിയുടെ ഒമ്പതാം ചരമവാര്ഷിക ദിനമായ നവംബര് 22ന് രൂപതയിലെ എല്ലാ ദേവാലയങ്ങളിലും മാര് മാത്യു വട്ടക്കുഴി അനുസ്മരണാര്ത്ഥം പരിശുദ്ധ കുര്ബാനയും ഒപ്പീസും നടത്തും.
കാഞ്ഞിരപ്പള്ളി സെന്റ് ഡൊമിനിക്സ് കത്തീഡ്രലില് രൂപതാധ്യക്ഷന് മാര് ജോസ് പുളിക്കലിന്റെ കാര്മികത്വത്തില് പരിശുദ്ധ കുര്ബാനയും തുടര്ന്ന് മുന് മേലധ്യക്ഷന് മാര് മാത്യു അറയ്ക്കലിന്റെ കാര്മികത്വത്തില് ഒപ്പീസും നടക്കും.
കാഞ്ഞിരപ്പള്ളി രൂപതയുടെ വളര്ച്ചയുടെ രണ്ടാംഘട്ടത്തില് വിശ്വാസ അടിത്തറ ഉറപ്പിക്കുന്നതില് മാര് മാത്യു വട്ടക്കുഴി നിസ്തുല പങ്ക് വഹിച്ചു. വിശ്വാസ ജീവിതപരിശീലന അജപാലനമേഖലകളില് ദീര്ഘവീക്ഷണത്തോടെ പദ്ധതികള് ആവിഷ്കരിക്കുകയും ജീവകാരുണ്യ വിദ്യാഭ്യാസ രംഗങ്ങളില് രൂപത നല്കിയ സംഭാവനകള്ക്ക് അമരക്കാരനായിരിക്കുകയും ചെയ്ത മേലധ്യക്ഷനായിരുന്നു മാര് മാത്യു വട്ടക്കുഴി.
മാര് മാത്യു വട്ടക്കുഴി അനുസ്മരണത്തോടനുബന്ധിച്ച് മാര് മാത്യു വട്ടക്കുഴി മെമ്മോറിയല് കാറ്റക്കെറ്റിക്കല് സിമ്പോസിയം 22ന് രാവിലെ 9.30 മുതല് പാസ്റ്ററല് സെന്റര് ഓഡിറ്റോറിയത്തില് നടക്കും.
Leave a Comment
Your email address will not be published. Required fields are marked with *