തക്കല: ചെറുപുഷ്പ മിഷന്‍ലീഗ് സഭയുടെ പുണ്യമാണെന്ന് ബിഷപ് മാര്‍ ലോറന്‍സ് മുക്കുഴി. ചെറുപുഷ്പ മിഷന്‍ലീഗിന്റെ പ്ലാറ്റിനം ജൂബിലി സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഏഴു ഭൂഖണ്ഡങ്ങളിലും നിറസാന്നിധ്യമായ മിഷന്‍ലീഗ് കത്തോലിക്കാ സഭയിലെ ഏറ്റവും വലിയ അല്മായ സംഘടനയാണെന്ന് മാര്‍ മുക്കുഴി പറഞ്ഞു.
ആര്‍ച്ച്ബിഷപ് മാര്‍ ജോസഫ് പെരുന്തോട്ടം മുഖ്യപ്രഭാഷണം നടത്തി. മിഷന്‍ലീഗ് ദേശീയ പ്രസിഡന്റ് ബിനോയി പള്ളിപ്പറമ്പില്‍ അധ്യക്ഷത വഹിച്ച യോഗത്തില്‍ രാമനാഥപുരം രൂപതാധ്യക്ഷന്‍ മാര്‍ പോള്‍ ആലപ്പാട്ട്, ഹൊസൂര്‍ രൂപതാധ്യക്ഷന്‍ മാര്‍ സെബാസ്റ്റ്യന്‍ പോഴോലിപ്പറമ്പില്‍, തക്കല രൂപതാധ്യക്ഷന്‍ മാര്‍ ജോര്‍ജ് രാജേന്ദ്രന്‍, ചെറുപുഷ്പ മിഷന്‍ലീഗ് ഇന്റര്‍നാഷണല്‍ അഡ്‌ഹോക്ക് കമ്മിറ്റി പ്രസിഡന്റ് ഡേവീസ് വല്ലൂരാന്‍, ദേശീയ ജനറല്‍ സെക്രട്ടറി സുജി പുല്ലുകാട്ട് എന്നിവര്‍ പ്രസംഗിച്ചു.
Leave a Comment
Your email address will not be published. Required fields are marked with *