വാഷിംഗ്ടണ്‍ ഡിസി: കോളേജുകളും സ്‌കൂളുകളുമായി ‘ചേര്‍ന്ന് പ്രവര്‍ത്തിച്ചുകൊണ്ട് കൂടുതല്‍ യുവജനങ്ങളിലേക്ക് എത്തുവാനുള്ള പദ്ധതിയുമായി ലോകത്തിലെ ഏറ്റവും ജനപ്രിയ പ്രാര്‍ത്ഥനാ ആപ്പുകളിലൊന്നായ ഹാലോ ആപ്പ്. ഇത്തരത്തില്‍ ഹാലോ ആപ്പിന്റെ പാര്‍ട്ട്ണര്‍മാരാകുന്ന സ്‌കൂളിലെയും കോളേജിലെയും കുട്ടികള്‍ക്ക് വിവിധ തലത്തിലുള്ള പതിനായിരത്തിലധികം പ്രാര്‍ത്ഥനകള്‍ ആപ്പിലൂടെ ലഭ്യമാകും. അനുദിനദിവ്യബലിയില്‍ വായിക്കുന്ന ബൈബിള്‍ വചനങ്ങള്‍, ജപമാല, കരുണയുടെ ജപമാല തുടങ്ങി സാധാരണ ഉപയോഗിക്കുന്ന എല്ലാ പ്രാര്‍ത്ഥനകളും ഈ ആപ്പില്‍ ലഭ്യമാണ്. കൂടാതെ  വിദ്യാര്‍ത്ഥികള്‍ക്ക് പ്രാര്‍ത്ഥനാ സമയം ഷെഡ്യൂള്‍ ചെയ്യുന്നതിനുള്ള ഓപ്ഷനും ആപ്പിലുണ്ട്.