ദോഹ: ഖത്തര്‍ സെന്റ് തോമസ് സീറോമലബാര്‍ ദൈവാലയത്തില്‍ സില്‍വര്‍ ജൂബിലി ആഘോഷിച്ചു. സീറോ മലബാര്‍ സഭയുടെ മേജര്‍ ആര്‍ച്ചുബിഷപ് മാര്‍ റാഫേല്‍ തട്ടിലിന്റെ മുഖ്യകാര്‍മികത്വത്തില്‍ ദിവ്യബലിയര്‍പ്പിച്ചു.
സഭയുടെ മൂല്യങ്ങളും പാരമ്പര്യവും കാത്തുസൂക്ഷിക്കാന്‍ വേണ്ടി ഖത്തറിലെ സീറോ മലബാര്‍ സഭാംഗങ്ങള്‍ നല്‍കുന്ന സഹകരണത്തിനും ത്യാഗങ്ങള്‍ക്കും മാര്‍ തട്ടില്‍ പ്രാര്‍ത്ഥ നാശംസകള്‍ നേര്‍ന്നു.
സെന്റ് തോമസ് സിറോ മലബാര്‍ ദൈവാലയത്തില്‍ സില്‍വര്‍ ജൂബിലിയോട് അനുബന്ധിച്ചു നടന്ന വര്‍ണ്ണാഭമായ പരിപാടി കളില്‍ മാര്‍ തട്ടില്‍ പങ്കെടുത്തു. വിവിധമേഖലകളില്‍ സേവനം കാഴ്ചവെച്ച സഭാംഗങ്ങളെ ആദരിച്ചു. വിശുദ്ധ കുര്‍ബാനയര്‍പ്പണം സീറോ മലബാര്‍ ആരാധനാക്രമത്തില്‍ ആരംഭിച്ചതിന്റെ 25-ാം വാര്‍ഷിക ആഘോഷങ്ങളില്‍ ആയിരങ്ങള്‍ പങ്കെടുത്തു.
ഖത്തര്‍ എയര്‍പോര്‍ട്ടില്‍ എത്തിയ മാര്‍ റാഫേല്‍ തട്ടിലിനെയും നോര്‍ത്തേണ്‍ അറേബ്യ അപ്പസ്തോലിക് വികാര്‍ ബിഷപ് ആള്‍ഡോ ബറാര്‍ഡിയെയും സെന്റ് തോമസ് സീറോ മലബാര്‍ ദേവാലയ വികാരി ഫാ. നിര്‍മല്‍ വേഴാപറമ്പില്‍ OFM CAP, സഹവികാരിമാരായ ഫാ. ബിജു മാധവത് OFM CAP, ഫാ. ജോയ്സണ്‍ ഇടശേരി OFM CAP എന്നിവരുടെ നേതൃത്വത്തില്‍ സ്വീകരിച്ചു.
.
Leave a Comment
Your email address will not be published. Required fields are marked with *