മണ്ടാലേ/മ്യാന്‍മാര്‍: ലഹരിയുടെ പിടിയില്‍ തന്നെ ആക്രമിക്കാനെത്തിയ പത്തംഗ സംഘത്തോട് മ്യാന്‍മാറിലെ ഇടവക വികാരിയായ ഫാ. ഡൊണാള്‍ഡ് മാര്‍ട്ടിന്‍ യെ നായിംഗ് വിന്‍ തികഞ്ഞ ശാന്തതയോടെ ഇപ്രകാരം പറഞ്ഞു- ‘ഞാന്‍ ദൈവത്തിന്റെ മുമ്പില്‍ മാത്രമേ മുട്ടുമടക്കാറുള്ളൂ’. സംഘത്തിന് മുന്നില്‍ മുട്ടുകുത്താന്‍ ആവശ്യപ്പെട്ടപ്പോള്‍ ലഭിച്ച ഈ മറുപടിയില്‍ പ്രകോപിതനായ സംഘനേതാവ് കഠാര കൊണ്ട് അദ്ദേഹത്തിന്റെ കഴുത്തിലും ദേഹത്തും തുടരെ തുടരെ കുത്തുകയായിരുന്നു. സംഭവത്തിന് ദൃക്‌സാക്ഷികളായ സ്ത്രീകളുടെ വാക്കുകള്‍ പ്രകാരം ‘ഫാ. ഡൊണാള്‍ഡ് മാര്‍ട്ടിന്‍ ഒരു വാക്കുപോലും ഉരിയാടുകയോ ബഹളം വയ്ക്കുകയോ ചെയ്തില്ല.
കൊല്ലപ്പെടുന്ന കുഞ്ഞാടിനെപ്പോലെ യാതൊന്നും പ്രതികരിക്കാതെ അദ്ദേഹം ഈ ആക്രമണത്തിന് വിധേയനായി.’കാംഗൈ തോ ഗ്രാമത്തിലെ ലൂര്‍ദ് മാതാവിന്റെ നാമധേയത്തിലുളള ദൈവാലയവികാരിയാണ് കൊല്ലപ്പെട്ട ഫാ. ഡൊണാള്‍ഡ് മാര്‍ട്ടിന്‍.
സംഭവം നടന്ന മണ്ടാലേ പ്രദേശം നിയന്ത്രിക്കുന്ന പീപ്പിള്‍സ് ഡിഫന്‍സ് ഫോഴ്‌സ്(പിഡിഎഫ്) പത്ത് പേരെ കസ്റ്റഡിയിലെടുത്തിട്ടുണ്ട്. ഇവര്‍ സൈനികരായതുകൊണ്ട് പ്രതിരോധവകുപ്പ് മിലിട്ടറി നിയമപ്രകാരം ഇവരെ വിചാരണ ചെയ്യുമെന്ന് വൈദികന്റെ കൊലപാതകം അപലപിച്ചുകൊണ്ട് പുറത്തിറക്കിയ കുറിപ്പില്‍ മ്യാന്‍മാര്‍ ഗവണ്‍മെന്റ് വ്യക്തമാക്കി.
Leave a Comment
Your email address will not be published. Required fields are marked with *