വത്തിക്കാന് സിറ്റി: പരിശുദ്ധ മാതാവിന്റെ രാജ്ഞിത്വ തിരുനാള് ആഘോഷിക്കുന്ന ഓഗസ്റ്റ് 22ന് ലോക സമാധാനത്തിനായി നടത്തുന്ന ഉപവാസ പ്രാര്ത്ഥനയില് പങ്കുചേരാന് ലോകമെങ്ങുമുള്ള വിശ്വാസികളെ ആഹ്വാനം ചെയ്ത് ലിയോ പതിനാലാമന് മാര്പാപ്പ.
പോള് ആറാമന് ഹാളില് നടക്കുന്ന പ്രതിവാര പൊതുസന്ദര്ശനവേളയില് വിശ്വാസികളെ അതിസംബോധന ചെയ്യുമ്പോഴാണ് സമാധാനത്തിനായുള്ള പ്രാര്ത്ഥനയിലും ഉപവാസത്തിലും പങ്കുചേരാന് മാര്പാപ്പ വിശ്വാസികളെ ക്ഷണിച്ചത്.
യുക്രെയ്നും വിശുദ്ധനാടും ലോകത്തിന്റെ ഇതരഭാഗങ്ങളും യുദ്ധങ്ങളാല് മുറിവേല്ക്കുമ്പോള് ദുരിതമനുഭവിക്കുന്ന എല്ലാവര്ക്കുവേണ്ടിയും പ്രാര്ത്ഥിക്കാം. സായുധ സംഘര്ഷങ്ങള്മൂലം കഷ്ടപ്പെടുന്നവരുടെ കണ്ണീര് തുടക്കാന് പ്രാര്ത്ഥിക്കാം. സമാസമാധാന രാജ്ഞിയായ മറിയത്തോട് നമുക്ക് മാധ്യസ്ഥത യാചിക്കാം; മാര്പാപ്പ പറഞ്ഞു.
Leave a Comment
Your email address will not be published. Required fields are marked with *