ഹാമില്‍ട്ടണ്‍ (ന്യൂസിലാന്റ്): ‘സ്വര്‍ഗീയ ഭോജ്യം’ ദിവ്യകാരുണ്യ ഗീതം ശ്രദ്ധേയമാകുന്നു. അനുഗ്രഹീത ഗായിക സിസ്റ്റര്‍ സിജിന ജോര്‍ജ് ആലപിച്ച ഗാനം കേള്‍വിക്കാരെ ദൈവാനുഭവത്തിന്റെ ആഴങ്ങളിലേക്കാണ് നയിക്കുന്നത്. ന്യൂസിലാന്റിലും കേരളത്തിലുമായിട്ടാണ് ചിത്രീകരണം നടത്തിയിരിക്കുന്നത്.
ആഴത്തിലുള്ള ദിവ്യകാരുണ്യ ഭക്തി പ്രഘോഷിക്കുന്ന ഗാനത്തിന്റെ വരികള്‍ രചിച്ചിരിക്കുന്നത് ന്യൂസിലാന്റിലെ ഹാമില്‍ട്ടണ്‍ സേക്രട്ട് ഹാര്‍ട്ട് സീറോമലബാര്‍ ദേവാലയത്തിലെ അസിസ്റ്റന്റ് ചാപ്ലിന്‍ ഫാ. ഷോജിന്‍ ജോസഫ് സിഎസ്എസ്ആര്‍ ആണ്. ബിബിന്‍ ബാബു കീച്ചേരില്‍ സംഗീതം നല്‍കിയിരിക്കുന്നു. പശ്ചാത്തലസംഗീതം നിനോയ് വര്‍ഗീസ് നിര്‍വഹിച്ചിരിക്കുന്നു. മനോജ് തോമസ്, ടോം ജോസഫ് എന്നിവര്‍ ചേര്‍ന്നാണ് നിര്‍മ്മാണം.
ആഷ്‌ലി, ലിസി, ജിഷ എന്നിവരാണ് കോറസ് ഗായകര്‍. ഫ്‌ളൂട്ടിന്റെ മധുരസ്വരങ്ങളാല്‍ ഗാനം സമ്പന്നമാക്കിയത് അബിജിത് ശ്രീധര്‍ ആണ്. ഗാനത്തിന്റെ ദൃശ്യഭംഗി പകര്‍ന്നെടുത്തത് നിഖില്‍ അഗസ്റ്റിനും ജിനോ ജോസുമാണ്. ജോസ്‌ന ഷാന്റി എഡിറ്റിംഗ് നിര്‍വഹിച്ചിരിക്കുന്നു.
Leave a Comment
Your email address will not be published. Required fields are marked with *