കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ 61-ാമത് വാര്ഷികാഘോഷവും ധനലക്ഷ്മി ബാങ്കുമായി സഹകരിച്ചുകൊണ്ട് 1500 കുടുംബങ്ങള്ക്കായി നടപ്പിലാക്കുന്ന വരുമാന സംരംഭകത്വ ലോണ് മേളയും ഒക്ടോബര് 2-ന് തെള്ളകം ചൈതന്യയില് നടക്കും.
വാര്ഷികാഘോഷത്തിന്റെയും വരുമാന സംരംഭകത്വ ലോണ് മേളയുടെയും ഉദ്ഘാടനം ഉച്ചകഴിഞ്ഞ് 2.30 ന് സഹകരണ, തുറമുഖ, ദേവസ്വം വകുപ്പ് മന്ത്രി വി.എന് വാസവന് നിര്വ്വ ഹിക്കും. കോട്ടയം അതിരൂപത സഹായ മെത്രാന് ഗിവര്ഗീസ് മാര് അപ്രേം ചടങ്ങില് അധ്യക്ഷത വഹിക്കും.
കോട്ടയം അതിരൂപത വികാരി ജനറാള് ഫാ. തോമസ് ആനിമൂട്ടില് അനുഗ്രഹപ്രഭാഷണം നടത്തും, ജോസ് കെ. മാണി എം.പി, അഡ്വ. ഫ്രാന്സിസ് ജോര്ജ്ജ് എം.പി എന്നിവര് വിശിഷ്ഠാതിഥികളായി പങ്കെടുക്കും.
തിരുവഞ്ചൂര് രാധാകൃഷ്ണന് എംഎല്എ, അഡ്വ. മോന്സ് ജോസഫ് എംഎല്എ, കോട്ടയം അതിരൂപത പ്രസ്ബിറ്റല് കൗണ്സില് സെക്രട്ടറി ഫാ. അബ്രഹാം പറമ്പേട്ട്, കെഎസ് എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, തോമസ് ചാഴികാടന് എക്സ്. എം.പി, സംസ്ഥാന ന്യൂനപക്ഷ വികസന ധനകാര്യ കോര്പ്പറേഷന് ചെയര്മാന് സ്റ്റീഫന് ജോര്ജ്ജ്, ധനലക്ഷ്മി ബാങ്ക് റീജിയണല് ഹെഡ് ശ്രീകാന്ത് വി.വി, കെഎസ്എസ്എസ് അസി. ഡയറക്ടര് ഫാ. ജെഫിന് ഒഴുങ്ങാലില് എന്നിവര് ആശംസകള് അര്പ്പിച്ച് സംസാരിക്കും.
അതിരമ്പുഴ ഗ്രാമപഞ്ചായത്ത് പ്രസിഡന്റ് ജോസ് ജോസഫ് അമ്പലക്കുളം, കോട്ടയം മുനിസിപ്പല് ചെയര്പേഴ്സണ് ബിന്സി സെബാസ്റ്റ്യന്, ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ്, കോട്ടയം ജില്ലാ പഞ്ചായത്ത് മെമ്പര് ഡോ. റോസമ്മ സോണി, ക്നാനായ കാത്തലിക് വിമന്സ് അസോസിയേഷന് പ്രസിഡന്റ് ഷൈനി സിറിയക്, ക്നാനായ കത്തോലിക്ക കോണ്ഗ്രസ് വൈസ് പ്രസിഡന്റ് ടോം കരികുളം, അതിരമ്പുഴ ഗ്രാമപഞ്ചായത്ത് മെമ്പര് ആലീസ് ജോസഫ്, കോട്ടയം മുനിസിപ്പല് കൗണ്സിലര് റ്റി.സി റോയി, ടോമി നന്ദികുന്നേല് എന്നിവര് ചടങ്ങില് പങ്കെടുക്കും.
വാര്ഷിക ആഘോഷങ്ങളോട് അനുബന്ധിച്ച് ധനലക്ഷ്മി ബാങ്കുമായി സഹകരിച്ച് വിഭാവനം ചെയ്തിരിക്കുന്ന വരുമാന സംരംഭകത്വ ലോണ് മേളയുടെ ഭാഗമായി ഏഴ് കോടി അമ്പത് ലക്ഷം രൂപയാണ് മിതമായ പലിശ നിരക്കില് ലഭ്യമാക്കുന്നതെന്ന് കെഎസ്എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് അറിയിച്ചു.
Leave a Comment
Your email address will not be published. Required fields are marked with *