കൊച്ചി : പള്ളുരുത്തി സെന്റ് റീത്താസ് സ്‌കൂളിന് സംരക്ഷണം ഉറപ്പാക്കണമെന്ന് കേരള ലാറ്റിന്‍ കാത്തലിക് അസോസിയേഷന്‍ (കെഎല്‍സിഎ).
യൂണിഫോം സംബന്ധിച്ച് സ്‌കൂള്‍ മാനേജ്‌മെന്റിന്റെ നിയമപ്രകാരമുള്ള ചട്ടങ്ങള്‍ പാലിച്ച് സ്‌കൂള്‍ പ്രവര്‍ത്തിക്കാന്‍ മതിയായ പോലീസ് സംരക്ഷണം നല്‍കാനാണ് ഹൈക്കോടതിയുടെ ഇടക്കാല ഉത്തരവ്. അത്തരത്തില്‍ സ്‌കൂള്‍ പ്രവര്‍ത്തനവുമായി മുന്നോട്ടു പോകുന്നതിനിടയില്‍ ആരുടെ ഭാഗത്തുനിന്നും അനാവശ്യ വിവാദങ്ങള്‍ ഉണ്ടാക്കരുതെന്ന് കെഎല്‍സിഎ സംസ്ഥാന സമിതി ആവശ്യപ്പെട്ടു.
സ്‌കൂളിന് പോലീസ് സംരക്ഷണം ഉറപ്പുവരുത്തുന്നതിനും വിദ്യാര്‍ത്ഥികള്‍ക്ക് സ്‌കൂളിള്‍ ദിനങ്ങള്‍ തടസപ്പെടാതിരിക്കുന്നതിനും സ്‌കൂള്‍ അധികാരികള്‍ക്ക് നീതിപൂര്‍വ്വകമായ സംരക്ഷണം ഉറപ്പാക്കുന്നതിനും ജില്ലാ പോലീസ് കമ്മിഷണറുടെ പ്രത്യേക ശ്രദ്ധ ഉണ്ടാകണമെന്ന് കെഎല്‍സിഎ സംസ്ഥാന സമിതി ആവശ്യപ്പെട്ടു.
മാനേജ്‌മെന്റ് കൈക്കൊള്ളുന്ന നിയമപ്രകാരമുള്ള എല്ലാ തീരുമാനങ്ങള്‍ക്കും പൂര്‍ണ്ണ പിന്തുണ നല്‍കുമെന്ന് കെഎല്‍ സിഎ സംസ്ഥാന പ്രസിഡന്റ് അഡ്വ. ഷെറി ജെ. തോമസ്, ജനറല്‍ സെക്രട്ടറി ബിജു ജോസി, സാമൂഹ്യ രാഷ്ട്രീയ ഫോറം കണ്‍വീനര്‍ ടി.എ ഡാല്‍ഫിന്‍, കൊച്ചി രൂപത പ്രസിഡന്റ് പൈലി ആലുങ്കല്‍ എന്നിവര്‍ പറഞ്ഞു.
Leave a Comment
Your email address will not be published. Required fields are marked with *