കോഴിക്കോട്: അസംപ്ഷന് സിസ്റ്റേഴ്സിന്റെ പുതിയ ശുശ്രൂഷാ സംരംഭമായ ‘സ്നേഹഭവന്’ ആര്ച്ചുബിഷപ് ഡോ. വര്ഗീസ് ചക്കാലയ്ക്കല് വെഞ്ചരിച്ചു. മലാപ്പറമ്പ് ജംഗ്ഷനില് നിന്നും അര കിലോമീറ്റര് മാറി ഗോള്ഫ് ലിങ്ക് റോഡിലാണ് നവീനമായ ഈ മന്ദിരം സ്ഥിതിചെയ്യുന്നത്.
സഭയിലെ പ്രായമായവര്ക്കും പ്രത്യേക പരിചരണം ആവശ്യമുള്ളവര്ക്കും പ്രാര്ത്ഥനാ നിര്ഭരമായ വിശ്രമജീവിതം ഉറപ്പാക്കുക എന്ന ലക്ഷ്യത്തോടെയാണ് സ്നേഹഭവനം നിര്മ്മിച്ചിരിക്കുന്നത്.
വെഞ്ചരിപ്പിന് ശേഷം ഡോ. വര്ഗീസ് ചക്കാലയ്ക്കലിന്റെ മുഖ്യകാര്മ്മികത്വത്തില് ദിവ്യബലി അര്പ്പിച്ചു. രൂപതാ ചാന്സലര് ഫാ. ഗ്രേഷ്യസ് ടോണി, സെക്രട്ടറി ഫാ. റെനി ഇമ്മാനുവല്, ക്രിസ്തുരാജ് ഇടവക വികാരി ഫാ. സോണി തോമസ് എസ്.ജെ, പാക്സ് കമ്മ്യൂണിക്കേഷന് ഡയറക്ടര് ഫാ. സൈമണ് പീറ്റര്, ഫാ. ടിജോ എസ്എസ്പി, ഫാ. ജോണ് മണിപാടം എസ്.ജെ, ഫാ. ജോസ് ജേക്കബ് എസ്.ജെ എന്നിവര് സഹകാര്മ്മികരായിരുന്നു.
തുടര്ന്ന് പ്രൊവിന്ഷ്യല് സിസ്റ്റര് ഷേര്ളി തോമസിന്റെ അധ്യക്ഷതയില് ചേര്ന്ന പൊതുസമ്മേളനം ഫാ. സോണി തോമസ് എസ്.ജെ ദീപം തെളിയിച്ച് ഉദ്ഘാടനം ചെയ്തു. മദര് സുപ്പീരിയര് സിസ്റ്റര് അല്ഫി, വാര്ഡ് കൗണ്സിലര് വിനീത സജീവ്, റെസിഡന്റ്സ് അസോസിയേഷന് പ്രസിഡന്റ് ജോസ് കൊച്ചുമുറിയില് എന്നിവര് പ്രസംഗിച്ചു.
Leave a Comment
Your email address will not be published. Required fields are marked with *