മാനാഗ്വ/നിക്കാരാഗ്വ: 1500 എന്‍ജിഒകളുടെ അനുമതി റദ്ദാക്കി, ഈ എന്‍ജിഒകളുടെ കീഴിലുള്ള മുഴുവന്‍ പണവും സ്ഥാവരജംഗമ വസ്തുക്കളും ഗവണ്‍മെന്റിലേക്ക് കണ്ടുകെട്ടാനുള്ള ഉത്തരവിറക്കി നിക്കാരാഗ്വയിലെ ഏകാധിപത്യ ഭരണകൂടം. കാരിത്താസ് ഗ്രാനാഡാ ഉള്‍പ്പടെയുടെ കത്തോലിക്ക സന്നദ്ധസംഘടനകളുടെയും ഇവാഞ്ചലിക്കല്‍ സംഘടനകളുടെയുംം എന്‍ജിഒകളും അനുമതി റദ്ദാക്കിയവയില്‍ ഉള്‍പ്പെടുന്നു. ഇതാദ്യമായാണ് ഇത്രയധികം എന്‍ജിഒകളുടെ അനുമതി ഗവണ്‍മെന്റ് ഒറ്റയടിക്ക് റദ്ദാക്കുന്നത്. ഓഗസ്റ്റ് 15ന് ശേഷം രണ്ട് കത്തോലിക്ക വൈദികരെ കൂടെ നിക്കാരാഗ്വന്‍ ഭരണകൂടം റോമിലേക്ക് നാട് കടത്തിയതായും മൊസൈക്കോ ദിനപത്രം റിപ്പോര്‍ട്ട് ചെയ്തിട്ടുണ്ട്.