കാഞ്ഞിരപ്പള്ളി: ഇഎസ്എ പരിധിയില്‍നിന്ന് ജനവാസ മേഖലകള്‍ പൂര്‍ണമായും ഒഴിവാക്കണമെന്ന് ഇന്‍ഫാം ദേശീയ ചെയര്‍മാന്‍ ഫാ. തോമസ് മറ്റമുണ്ടയില്‍. പരിസ്ഥിതി ദുര്‍ബല പ്രദേശ പ്രഖ്യാപനത്തില്‍ ഉള്‍പ്പെട്ടിരിക്കുന്ന ജനവാസ മേഖലകളെ പൂര്‍ണമായും ഒഴിവാക്കണമെന്നാവശ്യപ്പെട്ടുകൊ
കര്‍ഷക സുരക്ഷയ്ക്കുവേണ്ടി ഇന്‍ഫാം ഏതറ്റം വരെയും പോകുമെന്ന് യോഗത്തില്‍ സമാപന പ്രഭാഷണം നടത്തിയ കാഞ്ഞിരപ്പള്ളി രൂപതാധ്യക്ഷന്‍ മാര്‍ ജോസ് പുളിക്കല്‍ പറഞ്ഞു. കേരളത്തിന്റെ വൃക്ഷാവരണം ദേശീയ ശരാശരിയേക്കാള്‍ വലുതായിട്ടും വന വിസ്തൃതി വര്‍ധിപ്പിക്കണമെന്ന സിദ്ധാന്തവുമായിട്ടാണ് വനംവകുപ്പ് മുന്നിട്ടിറങ്ങിയിരിക്കുന്നത്. ഇഎസ്എ വിഷയത്തില്‍ സര്‍ക്കാര്‍ കൊടുത്ത പ്രൊപ്പോസല്‍ പുറത്തുവിടണമെന്നും തങ്ങളുടെ പ്രദേശങ്ങള്‍ ഇഎസ്എ പരിധിയില്‍ നിന്ന് ഒഴിവാക്കപ്പെട്ടിട്ടുണ്ടോയെന്ന് അറിയാന്‍ ജനങ്ങള്‍ക്ക് അവകാശമുണ്ടെന്നും മാര്‍ ജോസ് പുളിക്കല്‍ പറഞ്ഞു.
യോഗത്തില്‍ ഇന്‍ഫാം സംസ്ഥാന ഡയറക്ടര്‍ ഫാ. ജോര്‍ജ് പൊട്ടയ്ക്കല്‍ അധ്യക്ഷത വഹിച്ചു. ചീഫ്‌വിപ്പ് ഡോ. എന്‍. ജയരാജ്, എംപിമാരായ ആന്റോ ആന്റണി, ജോസ് കെ. മാണി, ഫ്രാന്‍സിസ് ജോര്‍ജ്, ഡീന്‍ കുര്യാക്കോസ്, എംഎല്‍എമാരായ വാഴൂര്‍ സോമന്‍, സെബാസ്റ്റ്യന്‍ കുളത്തുങ്കല്‍ എന്നിവര്‍ പ്രസംഗിച്ചു.
പ്രശ്നത്തില്‍ കര്‍ഷകര്‍ക്ക് അനുകൂലമായ നിലപാടുകള്‍ കക്ഷിരാഷ്ട്രീയ ഭേദമെന്യേ സ്വീകരിക്കുമെന്ന് ജനപ്രതിനിധികള്‍ ഉറപ്പു നല്‍കി.
പരിസ്ഥിതി ദുര്‍ബല പ്രദേശ പ്രഖ്യാപനത്തില്‍ ഉള്‍പ്പെട്ടിരിക്കുന്ന ജനവാസ മേഖലകളെ ഒഴിവാക്കണമെന്നും ഏലമലക്കാടുകള്‍ പൂര്‍ണമായും വനഭൂമിയാക്കാനുള്ള വനം വകുപ്പിന്റെ നീക്കം തടഞ്ഞ് റവന്യുഭൂമിയായി നിലനിര്‍ ത്തണമെന്നും ആവശ്യപ്പെട്ട് ഇന്‍ഫാം കാഞ്ഞിരപ്പള്ളി കാര്‍ഷിക ജില്ലയിലെ പ്രശ്നബാധിത മേഖലയിലെ കര്‍ഷകര്‍ ഒപ്പിട്ട ഭീമഹര്‍ജി ജനപ്രതിനിധികള്‍ക്ക് കൈമാറി.
യോഗത്തില്‍ ഇന്‍ഫാം കാഞ്ഞിരപ്പള്ളി കാര്‍ഷികജില്ല പ്രസിഡന്റ് അഡ്വ. എബ്രഹാം മാത്യു പന്തിരുവേലില്‍ സ്വാഗതവും ജോയിന്റ് ഡയറക്ടര്‍ ഫാ. ആല്‍ബിന്‍ പുല്‍ത്തകിടിയേല്‍ നന്ദിയും പറഞ്ഞു. ഇന്‍ഫാമിന്റെ ദേശീയ, സംസ്ഥാന, ജില്ലാ, താലൂക്ക് ഭാരവാഹികള്‍ യോഗത്തില്‍ പങ്കെടുത്തു.
Leave a Comment
Your email address will not be published. Required fields are marked with *