കൊല്ലം: അനേകര്‍ ആഹാരം പാഴാക്കുമ്പോള്‍ അര്‍ഹത പ്പെട്ടവരെത്തേടി അവരുടെ അടുക്കലെത്തി ആഹാരം പങ്കുവെക്കുക എന്നതാണ് പൊതിച്ചോര്‍ നല്‍കുന്നതിന്റെ കാതലായവശമെന്ന് ബിഷപ് ഡോ. പോള്‍ ആന്റണി മുല്ലശേരി.
ജീവന്‍ സംരക്ഷണസമിതി ആരംഭിച്ച വി കെയര്‍ പാലിയേറ്റീ വിന്റെയും ഹാന്‍ഡ് 4 ലൈഫ് പ്രോ-ലൈഫ് ചാരിറ്റബിള്‍ ട്രസ്റ്റിന്റെയും ആഭിമുഖ്യത്തില്‍ നടന്നുവരുന്ന പൊതിച്ചോര്‍ വിതരണത്തിന്റെ 16-ാം വാര്‍ഷികം തങ്കശേരി ബിഷപ്‌സ് ഹൗസില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വി കെയര്‍ പാലിയേറ്റീവ് ചെയര്‍മാനും ജീവന്‍ സംരക്ഷണ സമിതി കോ-ഓര്‍ഡിനേറ്ററുമായ ജോര്‍ജ് എഫ്. സേവ്യര്‍ വലിയവീട് അധ്യക്ഷത വഹിച്ച യോഗത്തില്‍ നാടക സിനിമാ താരവും ഗിന്നസ് ജേതാവുമായ കെപിഎസി ലീലാ കൃഷ്ണന്‍ മുഖ്യപ്രഭാഷണം നടത്തി.
ജീവന്‍ സംരക്ഷണ സമിതി വൈസ് ചെയര്‍പേഴ്‌സണ്‍ ജയിന്‍ ആന്‍സില്‍ ഫ്രാന്‍സിസ്, വി കെയര്‍ പാലിയേറ്റീവ് ട്രഷറര്‍ ബെറ്റ്‌സി എഡിസണ്‍, സാഹിത്യകാരന്‍ വി.ടി കുരീപ്പുഴ, വി കെയര്‍ കോ-ഓര്‍ഡിനേറ്റര്‍ ക്യാപ്റ്റന്‍ ക്രിസ്റ്റഫര്‍ ഡിക്കോസ്റ്റ, വി കെയര്‍ വൈസ് ചെയര്‍മാന്‍ ഇഗ്‌നേഷ്യസ് വിക്ടര്‍ എന്നിവര്‍ പ്രസംഗിച്ചു.
Leave a Comment
Your email address will not be published. Required fields are marked with *