കൊച്ചി: കേരളത്തിലെ ആദ്യ സന്യാസിനിയും കര്മ്മലീത്ത നിഷ്പാദുക മൂന്നാം സഭയുടെ സ്ഥാപകയുമായ ദൈവദാസി മദര് ഏലീശ്വയുടെ വാഴ്ത്തപ്പെട്ട പദവി പ്രഖ്യാപനത്തിന്റെ ഒരുക്കങ്ങള്ക്കായി സംഘാടകസമിതി രൂപീകരിച്ചു. വരാപ്പുഴ അതിരൂപത മെത്രാസന മന്ദിരത്തില് ചേര്ന്നയോഗം ആര്ച്ചു ബിഷപ് ഡോ. ജോസഫ് കളത്തിപ്പറമ്പില് ഉദ്ഘാടനം ചെയ്തു.
നവംബര് എട്ടിന് വല്ലാര്പാടം ബസിലിക്കയില് വെച്ചാണ് പരിപാടികള് നടക്കുന്നത്. മലേഷ്യ പെനാഗ് രൂപത മെത്രാന് കര്ദിനാള് സെബാസ്റ്റ്യന് ഫ്രാന്സിസിന്റെ മുഖ്യകാര്മികത്വത്തിലുള്ള ആഘോഷമായ സമൂഹബലി മധ്യേയാണ് വാഴ്ത്തപ്പെട്ട പദവി പ്രഖ്യാപനം.
വരാപ്പുഴ അതിരൂപതയിലെ വൈദികരും സന്യസ്തരും അല്മായരും സിടിസി സഭാംഗങ്ങളും അടങ്ങുന്ന സംഘാടക സമിതിയുടെ രക്ഷാധികാരി ആര്ച്ചുബിഷപ് ഡോ. ജോസഫ് കളത്തിപറമ്പിലും സഹരക്ഷാധികാരി സഹായമെത്രാന് ഡോ. ആന്റണി വാലുങ്കലുമാണ്.
ഒസിഡി മഞ്ഞുമ്മല് പ്രൊവിന്ഷ്യല് സുപ്പീരിയര് ഫാ. അഗസ്റ്റിന് മുള്ളൂര് ഒസിഡി ചെയര്പേഴ്സണും സിടിസി മദര് ജനറല് സിസ്റ്റര് ഷാഹില സിടിസി, വരാപ്പുഴ അതിരൂപത വികാരി ജനറല്മാരായ മോണ്. മാത്യു കല്ലിങ്കല്, മോണ്. മാത്യു ഇലഞ്ഞിമറ്റം എന്നിവര് കോ-ചെയര്പേഴ്സണ്സും ആയിരിക്കും.
പ്രൊവിന്ഷ്യല് സുപ്പീരിയര്മാരായ സിസ്റ്റര് പേഴ്സി സിടിസി, സിസ്റ്റര് റോസ്മിറ്റി സിടിസി, വരാപ്പുഴ അതിരൂപത ചാന്സലര് ഫാ. എബിജിന് അറക്കല് എന്നിവരാണ് വൈസ് ചെയര്മാന്മാര്.
ഫാ. മാര്ട്ടിന് തൈപ്പറമ്പില് ജനറല് കണ്വീനറാണ്. വരാപ്പുഴ ബസിലിക്ക റെക്ടര് ഫാ. ജോഷി ജോര്ജ് കൊടിയന്തറ ഒസിഡി, അതിരൂപത പാസ്റ്ററല് കൗണ്സില് സെക്രട്ടറി അഡ്വ. ഷെറി ജെ. തോമസ്, എറണാകുളം ജില്ലാ പഞ്ചായത്ത് വൈസ് പ്രസിഡന്റ് അഡ്വ. എല്സി ജോര്ജ് എന്നിവരായിരിക്കും ജോ. ജനറല് കണ്വീനര്മാര്.
501 അംഗ സംഘാടക സമിതിയുടെ നേതൃത്വത്തില് വിപുലമായ ഒരുക്കങ്ങളാണ് നടന്നുവരുന്നത്.
Leave a Comment
Your email address will not be published. Required fields are marked with *