കൊച്ചി: കൊച്ചിന്‍ പോര്‍ട്ട് ട്രസ്റ്റ് മുന്‍ ചെയര്‍മാനും ഉത്തര്‍പ്രദേശ് പ്രിന്‍സിപ്പല്‍ സെക്രട്ടറിയുമായിരുന്ന ഡോ. ജേക്കബ് തോമസ് (74) അന്തരിച്ചു. ഹൃദയാഘാതത്തെ തുടര്‍ന്ന് ഒരാഴ്ചയോളമായി സ്വകാര്യ ആശുപത്രിയില്‍ ചികിത്സയിലായിരുന്നു. 1977 ബാച്ച് ഉത്തര്‍പ്രദേശ് കേഡര്‍ ഐഎഎസ് ഉദ്യോഗസ്ഥനായിരുന്നു.
പുതുവൈപ്പിനിലെ പെട്രോനെറ്റ് എല്‍എന്‍ജി പ്രൊജക്ടിന്റെ ആദ്യ പ്രോജക്ട് കോ-ഓര്‍ഡിനേറ്റര്‍, വല്ലാര്‍പാടം കണ്ടെയ്‌നര്‍ ടെര്‍മിനല്‍ ആസൂത്രകന്‍, സെന്‍ട്രല്‍ സില്‍ക്ക് ബോര്‍ഡില്‍ വേള്‍ഡ് ബാങ്ക് പ്രോജക്ട് കോ-ഓര്‍ഡിനേറ്റര്‍, ഉത്തര്‍പ്രദേശിലെ വിവിധ ജില്ലകളുടെ കളക്ടര്‍, വകുപ്പ് സെക്രട്ടറി തുടങ്ങിയ നിലകളില്‍ പ്രവര്‍ത്തിച്ചിട്ടുണ്ട്.
നല്ലൊരു ചിത്രകാരന്‍ കൂടിയായിരുന്ന ഡോ. ജേക്കബ് തോമസ് കലൂര്‍ ലൊയോള ഇന്‍സ്റ്റിറ്റ്യൂട്ട് ഓഫ് പീസ് ആന്‍ഡ് ഇന്റര്‍നാഷണല്‍ റിലേഷന്‍സിന്റെ അക്കാദമിക് ഡയറക്ടര്‍, പാക്‌സ് ലൂമിന ദ്വൈമാസികയുടെ എഡിറ്റര്‍ എന്നീ നിലകളില്‍ സേവനമനുഷ്ഠിച്ചു.
തിരുവല്ല പുറമറ്റം കോഴിമണ്ണില്‍ കുടുംബാംഗമായ ജേക്കബ് തോമസ് കേരള സര്‍വകലാശാലയില്‍നിന്ന് റാങ്കോടെയാണ് എംഎസ് സി പാസായത്. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സില്‍നിന്ന് ഓപ്പറേഷന്‍സ് റിസര്‍ച്ചില്‍ പിഎച്ച്ഡിയും നേടി.
ഭാര്യ: സലോമി ജേക്കബ്, പാലാ തോട്ടുങ്കല്‍ കുടുംബാംഗമാണ്. മക്കള്‍: തോമസ് ജേക്കബ്, രേഖ ഡേവിഡ്, സെബാസ്റ്റ്യന്‍ ജേക്കബ്. മരുമകന്‍: ഡേവിഡ്. സംസ്‌കാരം ബുധനാഴ്ച (ഒക്‌ടോബര്‍ 8) എരൂര്‍ അന്‍സാല്‍സ് റിവര്‍ഡേലിലെ ചരമ ശുശ്രൂഷകള്‍ക്കുശേഷം മൂന്നുമണിയോടെ കളമശേരി സെന്റ് ജൂഡ് മലങ്കര കത്തോലിക്ക ദേവാലയത്തിലെത്തിക്കും. അവിടുത്തെ ശുശ്രൂഷകള്‍ക്കുശേഷം ആലുവ മലങ്കര കാത്തലിക് സെമിത്തേരിയില്‍ സംസ്‌കരിക്കും.
Leave a Comment
Your email address will not be published. Required fields are marked with *