കോട്ടപ്പുറം: കോട്ടപ്പുറം ഇന്റഗ്രേറ്റഡ് ഡെവലപ്‌മെന്റ് സൊസൈറ്റിയുടെ നേതൃത്വത്തില്‍ നാഷണല്‍ എന്‍ജിഒ കോണ്‍ഫെഡറേഷന്റെ സഹകരണത്തോടെ സ്‌കൂള്‍ കിറ്റുകള്‍ വിതരണം ചെയ്തു. കെ.ജി ക്ലാസുകള്‍ മുതല്‍ ഹയര്‍ സെക്കന്ററി വിഭാഗം വരെയുള്ള വിദ്യാര്‍ത്ഥികള്‍ക്കായി 600 സ്‌കൂള്‍ കിറ്റുകളാണ് നല്‍കിയത്. ആധ്യയന വര്‍ഷാരംഭം എല്ലാ വിദ്യാര്‍ത്ഥികള്‍ക്കും പഠനോപകരണങ്ങള്‍ ഉണ്ടാകണം എന്ന ലക്ഷ്യത്തോടെയാണ് കിഡ്‌സ് ഈ പദ്ധതി നടപ്പിലാക്കിയത്.
കിഡ്‌സ് കാമ്പസില്‍ നടന്ന ചടങ്ങില്‍ സ്‌കൂള്‍ കിറ്റ് വിതരണോദ്ഘാടനം കൊടുങ്ങല്ലൂര്‍ എംഎല്‍എ സുനില്‍ കുമാര്‍ ഉദ്ഘാടനം ചെയ്തു. ഒരുപാട് മാതാപിതാക്കള്‍ക്ക് ആശ്വാസം നല്‍കുന്ന അഭിനന്ദനാര്‍ഹമായ ഒരു പദ്ധതിയാണ് കിഡ്‌സ് നടപ്പിലാക്കിയതെന്ന് അദ്ദേഹം പറഞ്ഞു. കിഡ്‌സ് എക്‌സിക്യൂട്ടീവ് ഡയറക്ടര്‍ ഫാ. പോള്‍ തോമസ് കളത്തില്‍ അധ്യക്ഷത വഹിച്ചു.
എന്‍ജിഒ കോണ്‍ഫെഡറേഷന്‍ തൃശൂര്‍ ജില്ല കോ-ഓര്‍ ഡിനേറ്റര്‍ സഫീര്‍, വാര്‍ഡ് കൗണ്‍സിലര്‍ ജോണിക്കുട്ടന്‍, ഫാ. ബിയോണ്‍ തോമസ്, ഫാ. എബിനേസര്‍ ആന്റണി എന്നിവര്‍ പ്രസംഗിച്ചു.
Leave a Comment
Your email address will not be published. Required fields are marked with *