Follow Us On

25

February

2025

Tuesday

നൈജീരിയയില്‍ കന്യാസ്ത്രിമാരായ സ്‌കൂള്‍ പ്രിന്‍സിപ്പലിനെയും അധ്യാപികയെയും തട്ടിക്കൊണ്ടുപോയി

നൈജീരിയയില്‍  കന്യാസ്ത്രിമാരായ സ്‌കൂള്‍ പ്രിന്‍സിപ്പലിനെയും അധ്യാപികയെയും തട്ടിക്കൊണ്ടുപോയി

അബുജ/നൈജീരിയ: നൈജീരിയയിലെ ഒനിത്ഷ അതിരൂപതയില്‍പ്പെട്ട കോണ്‍ഗ്രിഗേഷന്‍ ഓഫ് ഇമ്മാക്കുലേറ്റ് ഹാര്‍ട്ട് ഓഫ് മേരി മദര്‍ ഓഫ് ക്രൈസ്റ്റ് (ഐഎച്ച്എം) സന്യാസിനി സഭാംഗങ്ങളായ സ്‌കൂള്‍ പ്രിന്‍സിപ്പലിനെയും അധ്യാപികയെയും തട്ടിക്കൊണ്ടുപോയി.

സിസ്റ്റര്‍ വിന്‍സെന്‍ഷ്യ മരിയ വാങ്ക്വോയെയും സിസ്റ്റര്‍ ഗ്രേസ് മാരിയറ്റ് ഒകോലിയെയുമാണ് അജ്ഞാതസംഘം തട്ടിക്കൊണ്ടുപോയത്. സിസ്റ്റര്‍ വിന്‍സെന്‍ഷ്യ മരിയ ആര്‍ച്ചുബിഷപ് ചാള്‍സ് ഹീറി മെമ്മോറിയല്‍ മോഡല്‍ സെക്കന്‍ഡറി സ്‌കൂള്‍ ഉഫൂമയുടെ പ്രിന്‍സിപ്പലും സിസ്റ്റര്‍ ഗ്രേസ് മാരിയറ്റ് ഇമ്മാക്കുലേറ്റ് ഗേള്‍സ് മോഡല്‍ സെക്കന്‍ഡറി സ്‌കൂളിലെ അധ്യാപികയുമാണ്. ഉപാധിരഹിതമായി ഇരുവരുടെയും മോചനം എത്രയും വേഗം സാധ്യമാകുന്നതിനും ഇവര്‍ സുരക്ഷിതരായി തിരിച്ചെത്തുന്നതിനും വേണ്ടി നൈജീരിയയിലെ ഐഎച്ച്എം സെക്രട്ടറി ജനറല്‍ സിസ്റ്റര്‍ മരിയ സോബെന്ന ഇക്യോട്ടൂണി പ്രാര്‍ത്ഥന അഭ്യര്‍ത്ഥിച്ചു.

നൈജീരിയയിലെ തെക്കുകിഴക്കന്‍ മേഖലയിലുള്ള അനംബ്ര സംസ്ഥാനത്താണ് കന്യാസ്ത്രിമാരെ തട്ടിക്കൊണ്ടുപോയത്. ഒഗ്‌ബോജിയിലെ വൊക്കേഷണല്‍ അസോസിയേഷന്റെ മീറ്റിംഗില്‍ പങ്കെടുത്ത് മടങ്ങുന്നവഴി ഉഫുമ റോഡില്‍ വച്ചാണ് ഇവരെ തട്ടിക്കൊണ്ടുപോയതെന്ന് സിസ്റ്റര്‍ മരിയ പറഞ്ഞു.

Share:

Leave a Comment

Your email address will not be published. Required fields are marked with *

Related Posts

Don’t want to skip an update or a post?