പാലയൂര്‍: തൃശൂര്‍ അതിരൂപതയുടെ 28-ാമത് പാലയൂര്‍ മഹാതീര്‍ത്ഥാടനത്തില്‍, എ.ഡി 52 ല്‍ തോമാശ്ലീഹായാല്‍ സ്ഥാപിതമായ വിശ്വാസത്തിന്റെ ഈറ്റില്ലമായ പാലയൂരിന്റെ പുണ്യഭൂമിയിലേക്ക് അനേകായിരങ്ങള്‍ എത്തി.
തൃശൂര്‍ ആര്‍ച്ചുബിഷപ് മാര്‍ ആന്‍ഡ്രൂസ് താഴത്ത് ലൂര്‍ദ് കത്തീഡ്രല്‍ വികാരി ഫാ. ജോസ് വല്ലൂരാന് മഹാതീര്‍ത്ഥാടനതതിന്റെ പതാക കൈമാറി. തീര്‍ത്ഥാടനത്തിന്റെ മുഖ്യപദയാത്രയോടൊപ്പം അതിരൂപതയിലെ 16 ഫൊറോനകളെ പ്രതിനിധീകരിച്ച് 11 മേഖല പദയാത്രകളും ആരംഭിച്ചു. പാലയൂരില്‍ എത്തിച്ചേര്‍ന്ന മുഖ്യപദയാത്രയുടെ പതാക മാര്‍ ആന്‍ഡ്രൂസ് താഴത്ത്, പാലയൂര്‍ സെന്റ് തോമസ് മേജര്‍ ആര്‍ക്കി എപ്പിസ്‌കോപ്പല്‍ തീര്‍ത്ഥാടന കേന്ദ്രം ആര്‍ച്ചുപ്രീസ്റ്റ് റവ. ഡോ. ജേവിസ് കണ്ണമ്പുഴ എന്നിവര്‍ ഏറ്റുവാങ്ങി പൊതുസമ്മേളന വേദിയില്‍ സ്ഥാപിച്ചു.
രണ്ടാംഘട്ട മഹാതീര്‍ത്ഥാടനം പാവറട്ടി തീര്‍ത്ഥകേന്ദ്രത്തില്‍ വികാരി ജനറല്‍ മോണ്‍. ജോസ് കോനിക്കര തൃശൂര്‍ അതിരൂപത സഹായമെത്രാന്‍ മാര്‍ ടോണി നീലങ്കാവില്‍നിന്നും പതാക പാവറട്ടി ഇടവക വികാരി റവ. ഡോ. ആന്റണി ചെമ്പകശേരി ഏറ്റുവാങ്ങി. തുടര്‍ന്ന് വികാരി ജനറല്‍ മോണ്‍. ജോസ് കോനിക്കരയുടെ നേതൃത്വത്തിലുള്ള പദയാത്ര പഞ്ചാരമുക്കില്‍നിന്ന് ആരംഭിച്ച് പാലയൂര്‍ തീര്‍ത്ഥാടന കേന്ദ്രത്തില്‍ എത്തിച്ചേര്‍ന്നു.
പൊതുസമ്മേളനം സീറോ മലബാര്‍ സഭ മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍ ഉദ്ഘാടനം ചെയ്തു. ദൈവാലയത്തിനുള്ളിലും പുറത്തും ജാതിമതഭേദമെന്യേ സഹോദരങ്ങള്‍ക്ക് കൈത്താങ്ങാകുന്നത് സഭയാണ്. അതിനാല്‍ രാഷ്ട്രനിര്‍മാണത്തിലും സമൂഹനിര്‍മാണത്തിലും മുഖ്യപങ്ക് വഹിക്കാനുള്ള ഉത്തരവാദിത്വം നമുക്കുണ്ടെന്ന് അദ്ദേഹം പറഞ്ഞു.
മാര്‍ ആന്‍ഡ്രൂസ് താഴത്ത് പൊതുസമ്മേളനത്തില്‍ അധ്യക്ഷത വഹിച്ചു. തീര്‍ത്ഥാടകനായ മാര്‍ തോമാ ശ്ലീഹായുടെ പാത പിന്തുടര്‍ന്ന് വിശ്വാസതീക്ഷ്ണതയോടെ സഭയെയും സമൂഹത്തെയും കെട്ടിപ്പടുക്കുവാന്‍ വിശ്വാസിസമൂഹം പ്രതിജ്ഞാബദ്ധരാണെന്ന് മാര്‍ താഴത്ത് പറഞ്ഞു.
തൃശൂര്‍ അതിരൂപത സഹായമെത്രാന്‍ മാര്‍ ടോണി നീലങ്കാവില്‍ ഏവരെയും സ്വാഗതം ചെയ്തു. ഫ്രാന്‍സില്‍നിന്നും എത്തിച്ചേര്‍ന്ന ഏവ് ദോറിയോ സെക്രട്ടറി ജനറല്‍ മോണ്‍. പാസ്‌കല്‍ ഗോള്‍നിഷ് പൊതുസമ്മേളനത്തില്‍ വിശിഷ്ടാതിഥിയായിരുന്നു. പാസ്റ്ററല്‍ സെക്രട്ടറി ജോഷി വടക്കന്‍ വിശ്വാസപ്രതിജ്ഞ ചൊല്ലിക്കൊടുത്തു. പാലയൂര്‍ മഹാതീര്‍ത്ഥാടനത്തിന്റെ ജനറല്‍ കണ്‍വീനര്‍ ഫാ. ജോണ്‍ പോള്‍ ചെമ്മണ്ണൂര്‍ സമ്മേളനത്തിന് നന്ദി രേഖപ്പെടുത്തി.
പാലയൂര്‍ മഹാതീര്‍ത്ഥാടനം ചെയര്‍മാന്‍ വികാരി ജനറല്‍ മോണ്‍. ജെയ്‌സണ്‍ കൂനംപ്ലാക്കല്‍, വൈസ് ചെയര്‍മാന്‍ മോണ്‍. ജോസ് കോനിക്കര, വര്‍ക്കിംഗ് ചെയര്‍മാന്‍ റവ. ഡോ. ഡേവിസ് കണ്ണമ്പുഴ, ഫാ. ക്ലിന്റ് പാണേങ്ങാടന്‍, ഫാ. അജിത്ത് കൊള്ളന്നൂര്‍, ഫാ. ഡിക്‌സണ്‍ കൊളമ്പ്രത്ത്, സിസ്റ്റര്‍ മെറിന്‍ സിഎസ്എം, ഡോ. മേരി റെജീന, ബിജു മുട്ടത്ത്, സേവ്യര്‍ വാകയില്‍, തോമസ് ചിറമ്മല്‍, പി.ഐ ലാസര്‍മാസ്റ്റര്‍ എന്നിവര്‍ പ്രസംഗിച്ചു.
Leave a Comment
Your email address will not be published. Required fields are marked with *