ചെസ്റ്റര്‍ (യുകെ): ചെസ്റ്റര്‍ നഗരവീഥികളില്‍ ജീസസ് യൂത്ത് അംഗങ്ങളും ചെസ്റ്റര്‍ മലയാളി കത്തോലിക്ക കൂട്ടായ്മ അംഗങ്ങളും ചേര്‍ന്ന് പീഡാനുഭവ സ്മരണ പുതുക്കി.  സിറ്റി കൗണ്‍സിലിന്റെ അനുമതിയോടെ ചെസ്റ്റര്‍ നഗരമധ്യത്തില്‍ കുരിശിന്റെ  വഴിയും കുട്ടികളുടെ നേതൃത്വത്തില്‍ പീഡാനുഭവ ദൃശ്യാവിഷ്‌കരണവും  ചെസ്റ്റര്‍ സിറ്റി സെന്ററില്‍  നടത്തി.

നൂറുകണക്കിന് ആളുകള്‍ നഗരവീഥികളില്‍ കാഴ്ചക്കാരായി ഒത്തുകൂടി. വിശുദ്ധ വാരത്തിനു മുന്നോടിയായി ക്രിസ്തുവിന്റെ പീഡാനുഭവ സ്മരണയില്‍ നിരവധി ആളുകള്‍ പരിപാടിയില്‍ പങ്കെടുത്തു. കുരിശിന്റെ വഴിയുടെ ഓരോ സ്ഥലങ്ങളുടെ ദൃശ്യാവിഷ്‌കരണം കുട്ടികള്‍ നടത്തിയപ്പോള്‍ കണ്ടു നിന്നവര്‍ക്ക് അത് ഹൃദ്യയനുഭവമായി.

കഴിഞ്ഞ മൂന്ന് വര്‍ഷത്തിലേറെയായി ചെസ്റ്ററില്‍ പ്രവര്‍ത്തനമാരംഭിച്ച ജീസസ് യൂത്തിന്റെ നേതൃത്വത്തില്‍ കുടുംബങ്ങളെയും യുവജനങ്ങളെയും കുട്ടികളെയും കേന്ദ്രീകരിച്ചു പ്രാര്‍ത്ഥന കൂട്ടായ്മകളും റെസിഡന്‍ഷ്യല്‍ ധ്യാനങ്ങളും നടത്തിവരുന്നു.