ഹൂസ്റ്റണ്‍: സെന്റ് മേരീസ്  ക്‌നാനായ കാത്തോലിക്കാ  ഫൊറോനാ ദൈവാലത്തോടനുബന്ധിച്ച് പുതിയതായി നിര്‍മ്മിക്കുന്ന അജപാലന  മന്ദിരത്തിന്റെ ശിലാസ്ഥാപന  കര്‍മ്മം   നടന്നു. കോട്ടയം അതിരൂപതയുടെ മെത്രാപ്പോലീത്ത മാര്‍ മാത്യു മൂലക്കാട്ടാണ്  ശിലാസ്ഥാപനകര്‍മ്മം  നിര്‍വഹിച്ചത്.

ആഘോഷമായ  ദിവ്യബലിക്ക് മാര്‍ മാത്യു മൂലക്കാട്ട് മുഖ്യകാര്‍മികത്വം വഹിച്ചു. വികാരി ഫാ. ഏബ്രഹാം മുത്തോലത്ത്, അസിസ്റ്റന്റ് വികാരി ഫാ. ജോഷി വലിയവീട്ടില്‍ എന്നിവര്‍ സഹകാര്‍മ്മികരായിരുന്നു.

ദിവ്യബലിക്ക് ശേഷം മാര്‍ മാത്യു മൂലക്കാട്ടിനോടും വൈദികരോടുമൊപ്പം ഇടവകാംഗങ്ങള്‍ പ്രദിക്ഷിണമായി ശിലാസ്ഥാപനകര്‍മത്തിനുള്ള സ്ഥലത്തേക്കു പോയി. തുടര്‍ന്ന് മാര്‍ മൂലക്കാട്ട് ശില ആശീര്‍വദിച്ച് വൈദികര്‍ക്കു കൈമാറി.

കൈക്കാരന്മാരായ ഷാജുമോന്‍ മുകളേല്‍, ബാബു പറയംകാലയില്‍, ജോപ്പന്‍ പൂവപ്പാടത്ത്, ഡി.ആര്‍.ഇ ജോണ്‍സന്‍ വട്ടമറ്റം എന്നിവര്‍ ചേര്‍ന്ന് ശില സ്ഥാപിച്ചു.