പേരാമ്പ്ര: ഞങ്ങള്‍ക്കും ഇവിടെ ജീവിക്കണം എന്ന മുദ്രാവാക്യം ഉയര്‍ത്തി രൂക്ഷമായ വന്യമൃഗശല്യത്തിനെതിരെ താമരശേരി രൂപത കത്തോലിക്ക കോണ്‍ഗ്രസിന്റെ നേതൃത്വത്തില്‍ ഓഗസ്റ്റ് രണ്ടിന് പെരുവണ്ണാമൂഴി ഫോറസ്റ്റ് റെയിഞ്ച് ഓഫീസിലേക്ക് കര്‍ഷക അതിജീവന സാരി വേലി റാലി നടത്തുന്നു.
നാളെ നടക്കുന്ന റാലിയും ധര്‍ണയും താമരശേരി രൂപതാധ്യക്ഷന്‍ മാര്‍ റെമീജിയോസ് ഇഞ്ചനാനിയില്‍ ഉദ്ഘാടനം ചെയ്യും. സംഘാടകസമിതി രക്ഷാധികാരി ഫാ. വിന്‍സന്റ് കണ്ടത്തില്‍ അധ്യക്ഷത വഹിക്കും. കത്തോലിക്ക കോണ്‍ഗ്രസ് താമരശേരി രൂപതാ പ്രസിഡന്റ് ഡോ. ചാക്കോ കാളംപ്പറമ്പില്‍ മുഖ്യപ്ര ഭാഷണവും ഫാ. സബിന്‍ തുമുള്ളില്‍ കത്തോലിക്ക കോണ്‍ഗ്രസ് രൂപതാ ഡയറക്ടര്‍ വിഷയാവതരണവും നടത്തും.
വന്യമൃഗങ്ങളുടെ അധിനിവേശത്തിനെതിരെ ഫാ. റെജി വള്ളോപ്പള്ളി പ്രമേയം അവതരിപ്പിക്കും. ഫാ. റോയി കൂനനാനിക്കല്‍ കര്‍ഷക അതിജീവന പ്രതിജ്ഞ ചൊല്ലിക്കൊടുക്കും. ക്രൈസ്തവ പീഡനത്തിനെതിരെ മാത്യു പേഴത്തിങ്കല്‍ പ്രമേയം അവതരിപ്പിക്കും. ഫാ. പ്രിയേഷ് തേവടിയില്‍ ക്രൈസ്തവ ഐക്യ പ്രഖ്യാപന പ്രതിജ്ഞ ചൊല്ലിക്കൊടുക്കും.
സംഘാടകസമിതി ചെയര്‍മാന്‍ ജോഷി കറുകമാലില്‍, കത്തോലിക്ക കോണ്‍ഗ്രസ് രൂപതാ ജനറല്‍ സെക്രട്ടറി ഷാജി കണ്ടത്തില്‍, ഫാ. ആന്റോ മൂലയില്‍, ഫാ. ഡോമിനിക് മുട്ടത്തു കുടിയില്‍, ഫാ. ജിനോ ചുണ്ടയില്‍, ഫാ. ജോസഫ് പാലക്കാട്ട്, ഫാ. ജിത്ത് കൊച്ചുകയ്‌പ്പേല്‍, ജോസ് ചെറുവള്ളി, റിച്ചാര്‍ഡ് ജോണ്‍, നിര്‍മ്മല ടീച്ചര്‍, സണ്ണി എമ്പ്രയില്‍, തോമസ് ചിറക്ക ടവില്‍, ജനറല്‍ കണ്‍വീനര്‍ ജോണ്‍സണ്‍ കക്കയം എന്നിവര്‍ പ്രസംഗിക്കും.
പെരുവണ്ണാമൂഴിയില്‍ കൂരാച്ചുണ്ട്-മരുതോങ്കര ഫൊറോനകളിലെ വിവിധ സംഘടനകളെ അണിനിരത്തിയാണ് റാലി നടത്തുന്നത്. മലയോര കര്‍ഷക അതിജീവന റാലിയുടെ വാഹന പ്രചാരണ ജാഥ ഇന്നു (ഓഗസ്റ്റ് 1) രാവിലെ കക്കയത്തുനിന്ന് ആരംഭിച്ചു. കക്കയം ദൈവാലയ വികാരി ഫാ. കൂനാനിക്കല്‍ ജാഥ ഉദ്ഘാടനം ചെയ്തു. ജോസ് ചെറുവള്ളി ജാഥാ ക്യാപ്റ്റനും നിമ്മി പൊതിയട്ടേല്‍ വൈസ് ക്യാപ്റ്റനുമാണ്.
വന്യമൃഗശല്യം മൂലം പകല്‍ സമയങ്ങളിപ്പോലും പുറത്തിറങ്ങാന്‍ കഴിയാത്ത വിധത്തില്‍ മലയോര മേഖലകളിലെ ജനങ്ങള്‍ ബുദ്ധിമുട്ടുകയാണ്. ഇതിനെ തടയാന്‍ സൗരവേലി, കിടങ്ങ് നിര്‍മാണം, ആര്‍ആര്‍ടി സാന്നിധ്യം തുടങ്ങിയ വാഗ്ദാനങ്ങള്‍ വനംവകുപ്പ് നടപ്പാത്തതിനെതിരെയാണ് കര്‍ഷകര്‍ സാലിവേലി കെട്ടി പ്രതിഷേധിക്കുന്നത്.
Leave a Comment
Your email address will not be published. Required fields are marked with *