കോട്ടയം: കോട്ടയം അതിരൂപതയുടെ സാമൂഹ്യസേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിക്ക് (കെഎസ്എസ്എസ്) മംഗളം സോഷ്യല് റെസ്പോണ്സിബിലിറ്റി ദേശീയ അവാര്ഡ് സമ്മാനിച്ചു. മംഗളം പബ്ലിക്കേഷന്സിന്റെ 56-ാമത് വാര്ഷിക ത്തോടനുബന്ധിച്ച് ഏര്പ്പെടുത്തിയതാണ് ഈ പുരസ്കാരം.
ഡല്ഹി കോണ്സ്റ്റിറ്റിയൂഷന്സ് ക്ലബിലെ സ്പീക്കര് ഹാളില് നടന്ന ചടങ്ങില് കെഎസ്എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് അവാര്ഡ് ഏറ്റുവാങ്ങി. സമ്മേളനത്തില് എംപിമാരായ അഡ്വ. ഫ്രാന്സിസ് ജോര്ജ,് ജോസ് കെ. മാണി എം.പി, ആന്റോ ആന്റണി എം.പി, ജോണ് ബ്രിട്ടാസ് എം.പി, ഡീന് കുര്യാക്കോസ് എം.പി, എ.എ റഹീം എം.പി, ജെബി മേത്തര് എം.പി, ദൂരദര്ശന് ഡി.ജി സതീഷ് നമ്പ്യാര്, മംഗളം മാനേജിംഗ് ഡയറക്ടര് സാജന് വര്ഗീസ്, കെഎസ് എസ്എസ് പിആര്ഒ സിജോ തോമസ് തുടങ്ങിയവര് പങ്കെടുത്തു.
1964 സെപ്റ്റംബര് 14ന് സൊസൈറ്റിസ് രജിസ്ട്രേഷന് നിയമ പ്രകാരം രജിസ്റ്റര് ചെയ്ത് പ്രവര്ത്തനം ആരംഭിച്ച കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് മധ്യകേരളത്തിലെ അഞ്ച് ജില്ലകള് കേന്ദ്രീകരിച്ച് പ്രവര്ത്തനങ്ങള് നടന്നുവരുന്നു. കെഎസ്എസ്എസിന്റെ നേതൃത്വത്തില് നടന്നുവരുന്ന നിരവധിയായ സാമൂഹ്യക്ഷേമ പ്രവര്ത്തനങ്ങള് പരിഗണിച്ചാണ് ഈ അവാര്ഡിന് തിരഞ്ഞെടുത്തത്.
Leave a Comment
Your email address will not be published. Required fields are marked with *