പത്തനംതിട്ട: മലങ്കര കത്തോലിക്ക സഭയുടെ 95-ാം പുനരൈക്യ വാര്‍ഷികാഘോഷങ്ങള്‍ തുടങ്ങി. സമ്മേളന വേദിയായ അടൂര്‍ ഓള്‍ സെയിന്റ്‌സ് പബ്ലിക് സ്‌കൂളിലെ മാര്‍ ഈവാനിയോസ് നഗറില്‍ മേജര്‍ ആര്‍ച്ചുബിഷപ് കര്‍ദിനാള്‍ ബസേലിയോസ് മാര്‍ ക്ലീമിസ് കാതോലിക്ക ബാവ പതാക ഉയര്‍ത്തി. വിവിധ രൂപകളില്‍നിന്നും വൈദിക ജില്ലകളില്‍നിന്നുമുള്ള പ്രയാണങ്ങള്‍ അടൂര്‍ സെന്‍ട്രല്‍ ജംഗ്ഷനില്‍ സംഗമിച്ചു. തുടര്‍ന്ന് പ്രയാണങ്ങള്‍ വിശ്വാസികളുടെ അകമ്പടിയോടെ മാര്‍ ഈവാനിയോസ് നഗറിലെത്തി.
മലങ്കര സഭയ്ക്കു വേറിട്ട ദൗത്യം ഉള്ളതുകൊണ്ടാണ് വര്‍ഷംതോറും പുനരൈക്യ വാര്‍ഷികം നടക്കുന്നതെന്ന് പ്രയാണങ്ങളെ സ്വീകരിച്ചുകൊണ്ട് നല്‍കിയ സന്ദേശത്തില്‍ കാതോലിക്ക ബാവ പറഞ്ഞു.
പത്തനംതിട്ട രൂപതാധ്യക്ഷന്‍ ഡോ. സാമുവേല്‍ മാര്‍ ഐറേനിയോസ്, മാവേലിക്കര ബിഷപ് ഡോ. മാത്യൂസ് മാര്‍ പോളികോര്‍പ്പോസ്, പൂന-കട്കി ബിഷപ് ഡോ. മാത്യൂസ് പക്കോമിയോസ്, പത്തനംതിട്ട രൂപതയുടെ പ്രഥമ ബിഷപ് ഡോ. യൂഹാനോന്‍ മാര്‍ ക്രിസോസ്റ്റം തുടങ്ങിയവര്‍ സന്നിഹിതരായിരുന്നു.
17 മുതല്‍ 19വരെ വൈകുന്നേരം 6.30ന് ബൈബിള്‍ കണ്വന്ഷന് നടക്കും. ആര്‍ച്ചുബിഷപ് ഡോ. തോമസ് മാര്‍ കൂറിലോസ് കണ്വന്ഷന് ഉദ്ഘാടനം ചെയ്യും. ഫാ. ഡാനിയേല്‍ പൂവണ്ണത്തില്‍ കണ്വന്ഷന് നേതൃത്വം നല്‍കും. പത്തനംതിട്ട രൂപതയുടെ ആതിഥേയത്തില്‍ നടക്കുന്ന പുനരൈക്യ വാര്‍ഷികം 20ന് സമാപിക്കും.
Leave a Comment
Your email address will not be published. Required fields are marked with *