തൃശൂര്‍: കാന്‍സര്‍ രോഗികള്‍ക്ക് വിഗ് നിര്‍മ്മിക്കുന്നതിനായി പുത്തന്‍പീടിക സെന്റ് ആന്റണീസ് ഇടകയിലെ കത്തോലിക്ക കോണ്‍ഗ്രസും അമല ആശുപത്രിയും  സംയുക്തമായി  കേശദാന ക്യാമ്പ് നടത്തി.

 കേശദാന ചടങ്ങ് ഇടവക വികാരി ഫാ. ജോസഫ് മുരിങ്ങാത്തേരി ഉദ്ഘാടനം ചെയ്തു. കത്തോലിക്ക കോണ്‍ഗ്രസ്  പ്രസിഡന്റ് ആന്റോ തൊറയന്‍ അധ്യക്ഷത വഹിച്ചു. അമല ആശുപത്രി ഇന്‍ ചാര്‍ജ് ഫാ. ജെയ്‌സന്‍ മുണ്ടന്‍മാണി മുഖ്യപ്രഭാഷണം നടത്തി.

അസി. വികാരി ഫാ. ജോഫിന്‍ അക്കരപേട്ട്യേക്കല്‍, പാദുവ ആശുപത്രി അഡ്മിനിസ്‌ട്രേറ്റര്‍ സിസ്റ്റര്‍ ഹേമ, കൈക്കാരന്‍ എ.സി. ജോസഫ്, കത്തോലിക്ക കോണ്‍ഗ്രസ് സെക്രട്ടറി പോള്‍ പി.എ ഭാരവാഹികളായ ജെസി വര്‍ഗീസ്, ഷാലി ഫ്രാന്‍സിസ്, വര്‍ഗീസ് കെ.എ, ലാലി ജോസ് എന്നിവര്‍ പ്രസംഗിച്ചു.