വത്തിക്കാന് സിറ്റി: അസീറിയന് ചര്ച്ച് ഓഫ് ഈസ്റ്റും കത്തോലിക്ക സഭയുമായുള്ള പൂര്ണായ കൂട്ടായ്മ സിനഡല് പാത പിന്തടുരുന്നതിലൂടെ കൈവരിക്കാനുകമെന്ന് ശുഭാപ്തി വിശ്വാസം പ്രകടിപ്പിച്ച് ലിയോ 14- ാമന് പാപ്പ. അസീറിയന് ചര്ച്ച് ഓഫ് ഈസ്റ്റിന്റെ കാതോലിക്കോസ്, പാത്രിയാര്ക്കീസ് മാര് ആവാ മൂന്നാമനുമായി വത്തിക്കാനില് നടത്തിയ കൂടിക്കാഴ്ചയിലാണ് പാപ്പ ഇക്കാര്യം പറഞ്ഞത്. വത്തിക്കാനിലെ അപ്പസ്തോലിക്ക് കൊട്ടാരത്തില് നടത്തിയ കൂടിക്കാഴ്ചയില് ഇരു സഭകളും തമ്മിലുള്ള ദൈവശാസ്ത്ര സംഭാഷണത്തിനായുള്ള സംയുക്ത അന്താരാഷ്ട്ര കമ്മീഷന് അംഗങ്ങളും പങ്കെടുത്തു.
ഒന്നാം നൂറ്റാണ്ട് മുതല് നിലവിലുള്ളതും മെസൊപ്പൊട്ടേമിയയില് സ്ഥാപിതമായ ആദ്യത്തെ ക്രിസ്ത്യന് സമൂഹങ്ങളില് നിന്ന് ഉത്ഭവിച്ചതുമായ ഏറ്റവും പഴയ ക്രൈസ്തവ സഭകളില് ഒന്നാണ് അസീറിയന് ചര്ച്ച് ഓഫ് ദി ഈസ്റ്റ്. റോമന് സാമ്രാജ്യത്തിന് പുറത്ത് വികസിച്ചതിനാല് പാശ്ചാത്യ സഭയില് നിന്ന് സ്വതന്ത്രമായി വളര്ന്ന ഈ സഭ 431-ല് നടന്ന എഫേസോസ് കൗണ്സിലിനെ തുടര്ന്ന് മറ്റ് ക്രൈസ്തവ സഭാവിഭാഗങ്ങളില് നിന്ന് വേര്പെട്ടാണ് നിലനിന്നത്.
Leave a Comment
Your email address will not be published. Required fields are marked with *