കൊച്ചി: കേരള കത്തോലിക്കാ സഭയിലെ അല്മായക്കിടയിലെ ആചാര്യനായിരുന്നു ഷെവലിയാര്‍ പ്രഫ. ഏബ്രഹാം അറയ്ക്കല്‍ എന്ന് വരാപ്പുഴ ആര്‍ച്ചുബിഷപ് ഡോ. ജോസഫ് കളത്തിപ്പറമ്പില്‍ അനുസ്മരിച്ചു. ചരിത്രകാരനും എഴുത്തുകാരനും അധ്യാപ കനുമായിരുന്ന അദ്ദേഹം ലത്തീന്‍ കത്തോലിക്കാ സഭയ്ക്ക് പ്രത്യേകിച്ചും, കേരള സമൂഹത്തിന് പൊതുവിലും നല്‍കിയിട്ടുള്ള സേവനങ്ങള്‍ വിലമതിക്കാനാവാത്തതാണെന്ന് ഡോ. കളത്തിപ്പറമ്പില്‍ അനുശോചന സന്ദേശത്തില്‍ ചൂണ്ടിക്കാട്ടി.

അധ്യാപന മേഖലയിലും സംഘടനാ പ്രവര്‍ത്തനരംഗത്തും പത്രപ്രവര്‍ത്തനരംഗത്തും കനത്ത നഷ്ടമാണ് അദ്ദേഹത്തിന്റെ വിയോഗം മൂലം ഉണ്ടായിട്ടുള്ളതെന്ന് ആര്‍ച്ചുബിഷപ് ഡോ. ജോസഫ് കളത്തിപറമ്പില്‍ പറഞ്ഞു.