മാര്ട്ടിന് വിലങ്ങോലില്
നോര്ത്ത് ടെക്സാസ്: ചിക്കാഗോയിലെ മക്കോര്മിക് പ്ലേസ് കണ്വന്ഷന് സെന്ററില് 2026 ജൂലൈ 9 മുതല് 12 വരെ നടക്കുന്ന സീറോ മലബാര് യുഎസ്എ കണ്വന്ഷന്റെ ഇടവകതല രജിസ്ട്രേഷന് വിശുദ്ധ മറിയം ത്രേസ്യായുടെ മധ്യസ്ഥതയിലുള്ള അമേരിക്കയിലെ ആദ്യ ദേവാലയമായ സെന്റ് മറിയം ത്രേസ്യാ സീറോ മലബാര് മിഷനില് നടന്നു.
ചിക്കാഗോ സീറോ മലബാര് രൂപതയുടെ സില്വര് ജൂബിലി ആഘോഷങ്ങളുടെ സമാപനത്തോടനുബന്ധിച്ചാണ് കണ്വന്ഷന് നടത്തുന്നത്. ബിഷപ് മാര് ജോയ് ആലപ്പാട്ട് കണ്വന്ഷന് രജിസ്ട്രേഷന് ഉദ്ഘാടനം ചെയ്തു. മിഷന് ഡയറക്ടര് ഫാ. ജിമ്മി എടക്കുളത്തൂര് കുര്യന് ആദ്യ രജിസ്ട്രേഷന് ഏറ്റുവാങ്ങി.
ചിക്കാഗോ സീറോ മലബാര് രൂപതയുടെ ഒരു വര്ഷം നീണ്ടുനിന്ന ജൂബിലി ആഘോഷങ്ങളുടെ സമാപനവും, രൂപതയുടെ പ്രഥമ മെത്രാന് മാര് ജേക്കബ് അങ്ങാടിയത്തിന്റെ മെത്രാഭിഷേക രജതജൂബിലി ആഘോഷവും കണ്വന്ഷനോടനുബന്ധിച്ച് നടക്കും.
കണ്വന്ഷന് നാഷണല് കോ-ഓര്ഡിനേറ്റര് പോളി കണ്ണൂക്കാടന്, കണ്വന്ഷന് ഫിനാന്സ് ചെയര് ആന്ഡ്രൂസ് തോമസ് എന്നിവര് ഒരുക്കങ്ങളെക്കുറിച്ച് വിശദീകരിച്ചു.
ചടങ്ങുകള്ക്ക് മിഷന് ഡയറക്ടര് ഫാ. ജിമ്മി എടക്കുളത്തൂര് കുര്യന്, ട്രസ്റ്റിമാരായ റെനോ അലക്സ്, ബോസ് ഫിലിപ്പ്, ഫെയ്ത്ത് ഫോര്മേഷന് കോ-ഓര്ഡിനേറ്റര് വിനു ആലപ്പാട്ട്, അക്കൗണ്ടന്റ് റോയ് വര്ഗീസ് തുടങ്ങിയവര് നേതൃത്വം നല്കി.
കണ്വന്ഷന്റെ മുന്നോടിയായി രൂപതയിലെ വിവിധ പള്ളികളില് കണ്വന്ഷന് രജിസ്ട്രേഷന് നടന്നുവരുന്നു. ഡിസംബര് 31 വരെ രജിസ്റ്റര് ചെയ്യുന്നവര്ക്ക് ഹോട്ടല് ബുക്കിംഗ് നിരക്കില് ഇളവ് ലഭിക്കുമെന്നും ഈ അവസരം എല്ലാവരും ഉപയോഗിക്കണമെന്നും ഭാരവാഹികള് അഭ്യര്ത്ഥിച്ചു.
Leave a Comment
Your email address will not be published. Required fields are marked with *